ក្លឹប Bayern Munich មិនសប្បាយចិត្តនឹងទម្រង់លេងរបស់ខ្សែបម្រើស្លាប Sadio Mane ខណៈក្លឹបទើបប្រកាសចែកផ្លូវគ្នាជាមួយ គ្រូបង្វឹក Julian Nagelsmann ដោយសម្រេចដាក់អតីតគ្រូបង្វឹក Chelsea លោក Thomas Tuchelជំនួសវិញ ជាមួយមូលហេតុ បញ្ជាក់ដោយថ្នាក់ដឹកនាំក្លឹបថា ក្រុមការពារតំណែងជើងឯកអាឡឺម៉ង់មិនបានទទួលលទ្ធផលផ្លែផ្កាគិតចាប់ពីដើមឆ្នាំ២០២៣មក ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ប្រភពពីគេហទំព័រ Sport1 បានលើកឡើងថាកីឡាករអន្តរជាតិសេណេហ្គាល់ មិនបានបង្ហាញទម្រង់លេងគួរអោយចាប់អារម្មណ៏និង ទាក់ទាញនោះទេ ក្រោយវិលត្រលប់ពីការព្យាបាលរបួសអោយជាសះស្បើយចាប់តាំងពីថ្ងៃទី២៦ ខែកុម្ភៈពោលគឺ៥ប្រកួតចុងក្រោយ Mane ចូលលេងបាន១៧៧ នាទីនិងបង្កើត Assist បានតែ១លើកប៉ុណ្ណោះកំលុងពេលផ្តួល Augsburg ក្នុងលទ្ធផល ៥ទល់និង៣។Bayern Munich ដែលសម្លឹងចង់ឈ្នះពាន៣នៅរដូវកាលនេះ បច្ចុប្បន្នមានគម្លាតពីក្រុមនាំមុខតារាងDormund ១ពិន្ទុប៉ុណ្ណោះ ខណៈពួកគេបានផ្តួលPSG ដើម្បីកក់កៅអីវគ្គ៨ក្រុមព្រឹត្តការណ៏UEFA Champion League ផងដែរ។
ទោះយ៉ាងណា Bayern Munich សង្ឃឹមថាគ្រូបង្វឹកថ្មីលោក Tuchel និង អាចជួយអោយ Mane វិលត្រលបប់មកបង្ហាញទម្រង់លេងល្អប្រសើរឡើងវិញ បន្ទាប់ពីខ្សែប្រយុទ្ធសេណេហ្គាល់រូបនេះរកគ្រាប់បាល់ស៊ុតបញ្ចូលទីបានតែ៩ គ្រាប់ និងAssist៥លើកប៉ុណ្ណោះក្រោយផ្លាស់ពីLiverpool មក។
