Tottenham កំពុងពិចារណាចង់តែងតាំងវីរបុរសក្លឹប Man. City លោក Vincent Kompany ដែលបច្ចុប្បន្នកំពុងដឹកនាំក្លឹប Burnley នៅលីកលំដាប់ទីពីរអង់គ្លេសស្របពេលក្លឹបដែលមានមូលដ្ឋាននៅទីក្រុងឡុងដ៏ ត្រៀមបញ្ចប់តំណែងគ្រូបង្វឹកអ៊ីតាលីលោក Antonio Conte នៅសប្តាហ៍នេះ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
គួរបញ្ជាក់ថា លោក Conte បានរិះគន់ដោយបើកចំហរលើការដឹកនាំរបស់ប្រធានក្លឹបលោកDaniel Levy ថាមិនបានផ្លាស់ប្តូរស្ថានភាពអោយប្រសើរឡើងខណៈ កីឡាកររបស់ខ្លួនមួយចំនួនធំលេងដោយភាពអាត្មានិយមដោយមិនលេងដោយគិតពីប្រយោជន៏រួមក្រោយTottenhamទទួល លទ្ធផល ស្មើគ្នា៣ទល់និង៣កាលពីថ្ងៃ ថ្ងៃសៅរ៍ជាមួយក្រុម Southampton។
បច្ចុប្បន្ន Tottenham កំពុងឈរនៅលេខរៀងទី ៤ ក្នុងក្របខណ្ឌ Premier League ក៏ពិតមែនប៉ុន្តែមានគម្លាតរហូតដល់ទៅ ២០ ពិន្ទុតាម ពីក្រោយគូប្រជែង Arsenal ខណៈក្លឹបមាន់ខ្នាយមាសនិងត្រូវបន្តបញ្ចប់រដូវកាលនេះដោយគ្មានពានរង្វាន់អ្វីក្នុងដៃនោះឡើយ ក្រោយធ្លាក់ ចេញពីក្របខណ្ឌ Champions League ក្រោមថ្វីជើងAC.Milanនិង FA Cup កាលពីដើមខែនេះ។
