ក្រុមកាំភ្លើងធំ Arsenal បានបញ្ចាក់កាលពីថ្ងៃអង្គារនេះថាខ្សែការពារដ៏សំខាន់ម្នាក់គឺ Takehiro Tomiyasu នឹងអវត្តមានរហូតដល់បញ្ចប់រដូវកាលនេះ បន្ទាប់ពីរូបគេបានវះកាត់របួសជង្គង់ផ្នែកខាងស្តាំក្រោយរងរបួសក្នុងការប្រកួត Europa League វគ្គ១៦ក្រុមចុងក្រោយជាមួយ Sporting Lisbon ។ខ្សែការពារអន្តរជាតិជប៉ុនបច្ចុប្បន្នមានវ័យ ២៤ ឆ្នាំត្រូវបានប្តូរចេញក្នុងតង់ទីមួយបន្ទាប់ពីលោក Mikel Arteta ក៏បានធ្វើការផ្លាស់ប្តូរកីឡាករសំខាន់ៗរហូតដល់ទៅ៥រូបផងដែរ។

មានន័យថាអ្នកចាត់ការសញ្ជាតិអេស្បាញខាងលើនឹងមិនពឹងផ្អែកលើកីឡាករTomiyasu ទាំងស្រុងនោះដែរ សម្រាប់ការប្រជែងពាន Premier League ខណៈក្លឹបដែលមានមូលដ្ឋាននៅភាគខាងជើងទីក្រុងឡុងដ៏សម្លឹងចង់លើកពានជាលើកដំបូងក្រោយខកខានរយៈពេល ១៩ឆ្នាំ។