បរទេស៖ ខ្សែប្រយុទ្ធឆ្នើម Marcus Rashford ត្រូវបង្ខំចិត្តដកខ្លួនចេញពីក្រុមជម្រើសជាតិអង់គ្លេស មុនការប្រកួតជម្រុះ Euro 2024 នាពេលខាងមុខ ដោយសារតែបញ្ហារបួស ។ ខ្សែប្រយុទ្ធ Manchester United វ័យ 25 ឆ្នាំរូបនេះដំបូងឡើយមានឈ្មោះក្នុងក្រុម 25 នាក់របស់លោក Gareth Southgate រួមជាមួយមិត្តរួមក្រុម Harry Maguire និង Luke Shaw ។ ប៉ុន្តែខ្សែប្រយុទ្ធដែលកំពុងឡើងជើង ត្រូវបានប្តូរចេញក្នុងការប្រកួតវគ្គ 1/4 ផ្តាច់ព្រ័ត្រ FA Cup របស់ពួកគេជាមួយនឹងក្រុម Fulham កាលពីថ្ងៃអាទិត្យ ហើយត្រូវបានជំនួសដោយ Fred នៅនាទីទី 83 ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

Rashford ដែលបានស៊ុតបញ្ចូលទីបាន 30 គ្រាប់ក្នុងការបង្ហាញខ្លួន 49 ប្រកួតក្នុងការប្រកួតទាំងអស់នៅរដូវកាលនេះ នឹងខកខានការប្រកួតជម្រុះជាមួយអ៊ីតាលី នៅទីក្រុង Naples នៅថ្ងៃព្រហស្បតិ៍ និងនៅផ្ទះជាមួយអ៊ុយក្រែននៅថ្ងៃអាទិត្យ។