បរទេស៖ Chelsea ចង់បានតម្លៃខ្លួន ៥០ លានផោនសម្រាប់ខ្សែបម្រើ Mason Mount បន្ទាប់ពីត្រូវបានក្លឹបគូប្រជែងរួមលីកគឺ Liverpool និង Man United ចាប់អារម្មណ៏ចង់បានដោយយោងគេហទំព័រ The Mirror បានចុះផ្សាយ។ គួរបញ្ជាក់ថាកីឡាករយុវជនដែលរីកធំធាត់ចេញពី​យុវជន​ថ្នាលក្លឹប Chelsea នៅមានកុងត្រានៅកីឡាដ្ឋាន Stamfordd Bridge តិចជាង១៨ខែស្របពេលកិច្ច​ពិភាក្សាកុងត្រា​ថ្មីរបស់​ខ្លួនកំពុង​ជាប់គាំង ។

កីឡាករអន្តរជាតិអង់គ្លេសរូបនេះមានបំណងចង់បានប្រាក់ឈ្នួល១ទ្វេរជាបីលើប្រាក់ឈ្នួលបច្ចុប្បន្ន ។  មានន័យថារូបគេចង់បានតម្លៃពល កម្មនឿយហត់ប្រមាណ២៤០,០០០០ ផោនក្នុងមួយសប្តាហ៍ដែលជាប្រាក់ចំណូលខ្ពស់បំផុតនៅក្នុងក្លឹប ។ Mount បានស៊ុតបញ្ចូលទីបាន ៣ គ្រាប់ និងAssist ៦ ដងក្នុងការបង្ហាញខ្លួនក្នុងការប្រកួតសរុប៣២លើក នៅរដូវកាលនេះ ប៉ុន្តែ មួយលើក​គត់ក្នុងចំណោម៤ប្រកួតចុងក្រោយរូបគេបង្ហាញខ្លួនជម្រើសដំបូងបានតែ១លើកគត់។ បច្ចុប្បន្នខ្សែបម្រើរូបនេះនឹងសង្ឃឹមថានឹងអាចជា  សះស្បើយពី​បញ្ហារបួសទាន់ពេលក្នុងជំនួបនៅក្របខណ្ឌ Premier League នៅថ្ងៃសៅរ៍ជាមួយ Leicester ខណៈ Chelsea សម្លឹងចង់​ឈ្នះ​ការប្រកួត៣លើកជាប់ៗគ្នា។