ក្រុមមាន់ខ្នាយមាស Tottenham កំពុងរៀបចំផែនការចរចារផ្ទេរយកកីឡាករ James Ward-Prowse ពីក្លឹប Southampton នៅចុងបញ្ចប់នៃ ហើយកំពុងរក្សាស្ថានភាពរបស់ខ្សែបម្រើកណ្តាលពីទឹកដី St Mary’s មកកាន់កីឡាដ្ឋាន London Stadium មុនរដូវកាលថ្មី២០២៣-២០២៤ចាប់ផ្តើម។កីឡាករអន្តរជាតិអង់គ្លេស Ward-Prowse បានក្លាយជាអ្នកស៊ុតបញ្ចូលទីច្រើនបំផុតក្នុងប្រវត្តិសាស្រ្ត របស់ Southampton នៅក្របខណ្ឌ Premier League ក្រោយផ្តួល Leicester City កាលពីថ្ងៃសៅរ៍។
កីឡាករវ័យ ២៨ ឆ្នាំជំនាញស៊ុតបាល់ហ្រ្វីឃីករូបនេះបានបង្ហាញខ្លួនបាន ជិត៤០០ប្រកួតក្រោយលូតលាស់ចេញពីយុវជនថ្នាលរបស់ក្លឹបនិង ស៊ុតបញ្ចូលទីបាន ៥២ គ្រាប់ និង Assist ៥១ដង ក្រោយចំណាយពេលជាងមួយទសវត្សរ៍ និងស៊ុតបាល់ហ្រ្វីឃីកដោយផ្ទាល់ បាន ១៦គ្រាប់ហើយ។
Southampton បច្ចុប្បន្នកំពុងតស៊ូប្រយុទ្ធនិងការរស់រានជីវិតនៅក្របខណ្ឌ Premier League ដោយត្រៀមជួបក្រុមបិសាចក្រហម Man. United នៅថ្ងៃអាទិត្យ ខណៈ Spurs ត្រៀមប្រកួតក្របខណ្ឌ Champions League វគ្គ១៦ក្រុមជើងទីពីរដោយទទួលភ្ញៀវ AC Milan នៅយប់ថ្ងៃពុធស្អែកនេះ។
