មុនជំនួបជាមួយ Bayern Munich ជើងទីពីរពានរង្វាន់ក្របខណ្ឌ Champion League ទីបំផុតក្លឹប Paris Saint-Germain បានបញ្ជាក់ជា ផ្លូវការណ៏ថាខ្សែប្រយុទ្ធស្លាប Neymar នឹងត្រូវទទួលការវះកាត់ក្នុងពេលឆាប់ៗនេះ លើបញ្ហារបួសកជើងរបស់ខ្លួន មូលហេតុដូច្នេះហើយ ទើបធ្វើអោយរូបគេខកខានការប្រកួតដែលនៅសល់នៃរដូវកាលនេះទំាងស្រុងតែម្តង។

គួរបញ្ជាក់ថាកីឡាករវ័យ ៣១ ឆ្នាំរូបនេះបានញាំញីដោយសាររបួសកជើងអស់រយៈពេលជាច្រើនឆ្នាំមកហើយ មុនពេលជួបរឿងអកុសលជាថ្មីក្នុងពេលជ័យជម្នះក្នុងលទ្ធផល៤ទល់និងលើក្រុមគូប្រជែងLigue-១គឺ Lille កាលពីចុងខែកុម្ភៈ ។ក្រុមជើងឯកបារាំង PSG បានបញ្ជាក់ផងដែរថាខ្សែប្រយុទ្ធអន្តរជាតិប្រេស៊ីលមានតម្លៃខ្លួនកំនត់ត្រាថ្លៃបំផុតក្នុងពិភពបាល់ទាត់រូបនេះនិងគ្រោង ចំណាយពេលពី ៣ ទៅ ៤ ខែដើម្បីព្យាបាលនិងស្តារ កាយសម្បទាឡើងវិញ ។