Real Madrid មិនបោះបង់មហិច្ឆតារបស់ខ្លួនឡើយ ពោលគឺក្រុមជើងឯក Champion League ១៤ សម័យកាលមួយនេះនៅតែ មានបំណងចង់ផ្ទេរយក ខ្សែប្រយុទ្ធ Kylian Mbappe មកចូលរួមជាមួយពួកគេនៅរដូវកាលនេះយោងគេហទំព័រ The Athletic បានចុះផ្សាយ ។មានន័យថា ក្លឹបយក្សអេស្បាញសាជាថ្មីម្តងទៀតបានទាក់ទងខ្សែប្រយុទ្ធក្រុមជើងឯក Ligue-១ បារាំងសាជាថ្មីម្តងទៀតពោលគឺត្រឹមតែប្រាំបីខែបន្ទាប់ពីរូបគេបានបន្តកកុងត្រាថ្មីជាមួយ PSG រហូតដល់ឆ្នាំ២០២៥។
ស្របពេលដែល កីឡាករវ័យ២៥ឆ្នាំរូបនេះចង់ចូលរួមជាមួយក្រុមលោក Ancelotti នាពេលអនាគតក្រោយពីសមាជីកជ័យលាភីWorld Cup ២០១៨បានសម្តែងការមិនពេញចិត្តនឹងគម្រោងការងាររបស់ក្លឹបនាពេលបច្ចុប្បន្នតាមការស្នើសុំដូចជា ចុះហត្ថលេខានាំយក Aurelien Tchouameni, Robert Lewandowski និងខ្សែការពារ Milan Skriniarមករួមក្រុមនោះ ។ដូច្នេះទំនាក់ទំនងរវាងសាមីខ្លួននិងក្លឹបកាន់តែអាប់អួរបន្តិចម្តងៗ។
ប្រភពខាងលើបន្តថាៈ Real Madrid ពេលនេះគឺដឹងច្បាស់ថាមិនងាយស្រួលក្នុងការនាំយកMbappeមករួមក្រុម ប៉ុន្តែមធ្យោបាយតែមួយគត់ដែលខ្សែប្រយុទ្ធរូបនេះអាចចូលរួមជាមួយ Real Madrid គឺរូបគេត្រូវដាក់សម្ពាធលើ PSG ជាមួយមធ្យោបាយផ្សេងៗស្របពេលតម្លៃខ្លួនរបស់អតីតខ្សែប្រយុទ្ធMonaco នៅពេលនេះគឺមានតម្លៃថ្លៃខ្លាំងបំផុត។
Real Madrid have not forgotten about Kylian Mbappe and Mbappe has not forgotten about Real Madrid.
After a failed attempt to sign the 24-year-old last summer, #RMCF are proceeding with caution.
But since the 2022 World Cup, there has been movement…
— The Athletic | Football (@TheAthleticFC) January 18, 2023
