ក្រុមអ្នកគាំទ្រកាំភ្លើងធំ Arsenal ទូទាំងពិភពលោកនៅតែបន្តអបអរសាទរចំពោះ ក្លឹបរបស់ខ្លួនស្រលាញ់គាំទ្រចំពោះជ័យជម្នះលើក្រុម បិសាចក្រហមMan. Utd ខណៈក្រុមលោកMikel Arteta បានបង្ហាញទម្រង់លេងដ៏ល្អ ដើម្បីផ្តួលក្រុមភ្ញៀវMan.Utdរបស់ក្រុមលោកErik Ten Hagក្នុងលទ្ធផល៣ទល់និង២ សម្រាប់ការប្រកួតកាលពីថ្ងៃអាទិត្យ ខណៈអ្នកគាំទ្រម្នាក់ដែលកំពុងអបអរសាទរ ត្រូវបានចាប់ខ្លួននៅក្នុងប្រទេសអ៊ូហ្គង់ដា។មិនមែនតែម្នាក់នោះទេ គួរបញ្ជាក់ថាអ្នកគាំទ្រ(Fans)ក្លឹបយក្សអង់គ្លេសដែលមានមូលដ្ឋាននៅទីក្រុងឡុងដ៏ភាគខាងជើង មិនតិចជាងប្រាំបី នាក់ត្រូវបានចាប់ខ្លួនសម្រាប់ការអបអរសាទរជ័យជម្នះលើក្រុមគូប្រជែង Man. United នៅទីក្រុង Jinja នៃប្រទេសអ៊ូហ្គង់ដា។
ទោះយ៉ាងណា វាជាទិដ្ឋភាពដ៏គួរឱ្យភ្ញាក់ផ្អើលមួយក្នុងប្រទេសអ៊ូហ្គង់ដា ខណៈដែលអ្នកគាំទ្រក្រុម Arsenal កំពុងធ្វើដំណើរ តាម ក្បួនរថយន្តចំនួន ៥ គ្រឿងកាលពីព្រឹកថ្ងៃចន្ទដើមសប្តាហ៏នេះ។ ហើយអ្វីដែលគួរអោយចាប់អារម្មណ៏គឺពួកគេ ត្រូវបាន ប៉ូលិស ធ្វើការ ស្ទាក់ចាប់ ដោយមិនទាន់បានបញ្ជា្កក់ប្រាប់ពីមូលហេតុច្បាស់លាស់ ស្របពេល បុរសម្នាក់ក្នុងចំណោមពួកគេកាន់ពានដែលពួកគេបានទិញនៅហាងក្នុងស្រុកមួយ។ អ្នកគាំទ្រដែល Arsenal លោក Baker Kasuleដែលត្រូវបានឃាត់ខ្លួនបញ្ជាក់យ៉ាងដូច្នេះប្រាប់ Daily Monitorថាៈខ្ញុំមិនដឹងថាយើងបានធ្វើអ្វីនោះទេ ប៉ុន្តែយើងគ្រាន់តែអប អរជ័យ ជម្នះរបស់យើងលើគូប្រជែង Man. United ។
រីឯ លោក James Mubi ដែលជានាយប៉ូលីសប្រចាំតំបន់ និងជាអ្នកគាំទ្រ Arsenalផងដែរនោះ ត្រូវបានដកស្រង់សម្តីដោយBBC ថាៈ គាត់មិនបានពិនិត្យមើលការចោទប្រកាន់របស់អ្នកគាំទ្រទេ ប៉ុន្តែរូបលោកមានចម្ងល់ថាហេតុអ្វីបានជាពួកគេអបអរ ការប្រកួតអីនៅត្រឹមតែពាក់កណ្តាលនៃរដូវកាលនេះកំពុងលេង ម្តេចមិនអបអរពីដំបូងមក?។
