• Banner Banner Banner Banner Banner Banner
  • Lambert ត្រៀម​បំពេញ​ការ​ផ្ទេរ​ជា​ផ្លូវ​ការ​ទៅ​កាន់ Liverpool
    បាល់ទាត់ក្នុងស្រុក 8 years ago 117 Views

    ការ​ផ្ទេរ​ដ៏​គួរ​ឲ្យ​ភ្ញាក់​ផ្អើល​ក្នុង​តម្លៃ​ខ្លួន​៤​លាន​ផោន (ស្មើ​នឹង​៦,៧​លាន​ដុល្លារ​អាមេ​រិក) ​​របស់ Rickie Lambert ទៅកាន់​ក្លិប Liverpool ពី​ក្លិប Southampton ត្រូវ​បាន​រំ​ពឹង​ថា នឹង​ត្រូវ​ប្រកាស​ជា​ផ្លូវ​ការនៅ​ថ្ងៃ​ចន្ទ​នេះ ក្រោយ​ពី​ខ្សែ​ប្រយុទ្ធ​អន្តរ​ជាតិ​អង់​គ្លេស​រូប​នេះ បាន​ឆ្លង​ផុត​ការ​ត្រួត​ពិនិត្យ​​សុខ​ភាព​កាល​ពី​ថ្ងៃ​សៅរ៍​។ កីឡាករ​វ័យ​៣២​ឆ្នាំ​រូប​នេះ ត្រូវ​បាន​អនុ​ញ្ញាត​ឲ្យ​ចាក​ចេញ​ពី​ជំ​រំ​ហ្វឹក​ហាត់​ត្រៀម​សម្រាប់​យុទ្ធ​នា​ការ World Cup របស់​លោក Roy Hodgson ដើម្បី​ធ្វើ​ដំណើរ​ទៅកាន់​ក្លិប Liverpool ប៉ុន្តែ ត្រូវ​វិល​ទៅ​ចូល​រួម​ជា​មួយ​នឹង​ក្រុម​ជម្រើស​ជាតិ​អង់គ្លេស​វិញ​ដើម្បី​ធ្វើ​ដំណើរ​ទៅ​កាន់​រដ្ឋ Miami មុន​នឹង​ធ្វើ​ដំ​ណើរ​ទៅ​កាន់​ទីក្រុង Rio de Janeiro នៅ​ថ្ងៃ​អាទិត្យ​។ 64153.3វា​ហាក់​ដូច​ជា​​ដំ​ណើរ​​វដ្ត​មួយ​ដែល​បាន​វិល​មួយ​ជុំ​ពេញ​សម្រាប់ Lambert អ៊ី​ចឹង​។ អ្នក​គាំ​ទ្រ​របស់ Liverpool កាល​ពី​កុមារ​ភាព​រូប​នេះ ត្រូវ​បាន​​អនុ​ញ្ញាត​ឲ្យ​ចេញ​ដោយ​ក្លិប​មាន​មូល​ដ្ឋាន​នៅ Anfield មួយ​នេះ ក្នុង​ពេល​ស្ថិតក្នុង​វ័យ​១៥​ឆ្នាំ​។ រូប​គេ​​ពិត​ជា​បាន​ធ្វើ​ឲ្យ​រូប​គេ​ផ្ទាល់​ក្លាយ​ជា​កីឡាករ​អាជីព​តាម​រយៈ​ការលេង​ឲ្យ​ក្លិប Blackpool, Macclesfield, Stockport, Rochdale និង Bristol Rovers មុន​នឹង​លោក Alan Pardew បាន​ចំ​ណាយ​ប្រាក់​១​​លាន​ផោន​​កាល​ពី​ឆ្នាំ​២០០៩ ដើម្បី​ទិញ​រូប​គេ​ឲ្យ​​ទៅលេង​ក្នុង​ក្លិប Southampton ដែលកាលនោះ​ស្ថិត​ក្នុង​ក្រប​ខ័ណ្ឌ League One​។ លោក Pardew ដែល​បច្ចុប្បន្ន​ជា​អ្នក​ចាត់​ការ​ទូទៅ​របស់​ក្លិប Newcastle United ត្រូវ​បាន​គេ​ប្រាប់​ថា លោក​បាន​ចំ​ណាយ​ប្រាក់​ទិញ​ទាំង​ប្រថុយ ប៉ុន្តែ Lambert បាន​ក្លាយ​ជា​កីឡាករ​ដ៏​សំ​ខាន់​បំផុត​​ម្នាក់​របស់ Southampton ​តាម​រយៈ​ការ​ជួយ​ឲ្យ​ក្លិប​មាន​មូល​ដ្ឋាន​នៅ​តំបន់​កោះ​ខាង​ត្បូង​មួយ​នេះ​ឲ្យ​ឈាន​ទៅ​ប្រកួត​ក្រប​ខ័ណ្ឌ Premier League​៕

    ប្រែ​សម្រួល​ដោយ តា​រា

  • Loading...
  • Recent Posts