• Banner Banner Banner Banner Banner Banner
  • ប្រធានសហព័ន្ធកីឡាអាស៊ី សន្យាជួយពង្រឹងគុណភាពក្រុមឈិនឡូនកម្ពុជា ដើម្បីអាចឈ្នះមេដាយ នៅស៊ីហ្គេម ឆ្នាំ២០២៣
    កីឡាផ្សេងៗ 2 months ago 82 Views

    ប្រធាន​សហព័ន្ធកីឡាឈិនឡូនអាស៊ី លោក U SOE NAING ដែល​ជា​ប្រធាន​សហព័ន្ធ​កីឡា​ឈិនឡូនមីយ៉ាន់ម៉ា ផងនោះ បានសន្យា​ នឹង​ជួយ​បណ្តុះបណ្តាលក្រុម​អត្តពលិកកីឡា​ឈិនឡូនកម្ពុជា ឱ្យមានសមត្ថភាព និងគុណ​ភាពខ្ពស់ ដើម្បី​អាច​ចូល​រួម​ប្រកួតដណ្តើម​យកមេដាយបាន ពេលកម្ពុជា ធ្វើជា​ម្ចាស់ផ្ទះស៊ីហ្គេម ជា​លើកដំបូង នៅឆ្នាំ​២០២៣ ខាងមុខ​នេះ។

    លោក U SOE NAING បាន​ថ្លែង​ថា៖​ «យើង​មានក្តីរីករាយ និង​ការ​ស្វាគមន៍​យ៉ាង​កក់ក្តៅ​​ចំពោះ​វត្ត​មាន​កីឡាករ កីឡាការិនី និងមន្រ្តីបច្ចេកទេសកីឡាឈិនឡូនកម្ពុជា ក្នុង​ការ​ទៅ​ហ្វឹក​​ហាត់ និង​បណ្តុះ​បណ្តាល នៅ​ប្រទេសមីយ៉ាន់ម៉ា ដោយយើង​សន្យាថា នឹង​បដិសណ្ឋាកិច្ច​ទទួល​ខុស​​ត្រូវ ​ទាំង​ស្រុង ដើម្បីជួយជំរុញ​ធ្វើយ៉ាងណាឱ្យ​អត្តពលិក និង​មន្រ្តី​បច្ចេក​ទេស​កម្ពុជា ត្រឡប់​មក​ចូលរួម​ស៊ីហ្គេម លើកទី៣២ ឆ្នាំ២០២៣ មានគុណភាពខ្ពស់ ដោយ​អាច​រៀបចំ​ព្រឹត្តិការណ៍​បាន​ល្អ និង​ប្រកួត​ដណ្តើមមេដាយបាន»។

    ការ​លើកឡើងបែបនេះ​របស់​លោក U SOE NAING ត្រូវ​បាន​ធ្វើ​ឡើង កាលពី​ព្រឹក​ថ្ងៃ​សុក្រ នៅពេល​ប្រធានប្រធាន​សហព័ន្ធកីឡាឈិនឡូនអាស៊ី និង​ជា​ប្រធាន​សហព័ន្ធ​កីឡា​ឈិនឡូនមីយ៉ាន់ម៉ា បានចុះកិច្ចព្រមព្រៀង​ជាមួយលោក​បណ្ឌិត មាស សារិន ​ជា​សហ​ព័ន្ធ​កីឡាសីដក់ និង​ឈិនឡូនកម្ពុជា​នៅ​ទីស្នាក់ការ​គណៈកម្មាធិការជាតិអូឡាំពិកកម្ពុជា (NOCC)។

    ជាមួយគ្នានោះ លោក វ៉ាត់ ចំរើន ជាអគ្គលេខាធិការ NOCC បាន​ថ្លែងអំណរគុណដល់លោក លោក U SOE NAING ដែល​បាន​យក​ចិត្ត​ទុក​ដាក់ ក្នុង​ការ​ជួយ​អភិវឌ្ឍធនធានកីឡារបស់កម្ពុជា ដើម្បីឆ្លើយតបនឹងគោលដៅឆ្ពោះទៅធ្វើម្ចាស់ផ្ទះ ស៊ីហ្គេម ឆ្នាំ២០២៣ នៅកម្ពុជា ហើយ​អគ្គលេខាធិការ CAMSOC លោក ចំរើន បាន​ជំរុញ​ឱ្យ​សហព័ន្ធ​ឈិនឡូន​អាស៊ី ជួយដាក់គ្រូបង្វឹកកម្រិតខ្ពស់ បង្ហាត់​ដល់​អត្តពលកម្ពុជា ព្រោះ​កម្ពុជា​ត្រូវ​ការ​ឈ្នះមេដាយ​ច្រើន​គ្រឿង លើវិញ្ញសាឈិនឡូន ក្នុងឋានៈជាម្ចាស់ផ្ទះ ស៊ីហ្គេម ឆ្នាំ២០២៣។

    ចំណែក​លោក​បណ្ឌិត មាស សារិន បាន​ថ្លែង​ថា សហព័ន្ធកីឡាឈិនឡូអាស៊ី និង​សហព័ន្ធ​ឈិនឡូន​មីយ៉ាន់ម៉ា នឹងធានារ៉ាប់រង សម្រាប់គ្រូបង្វឹក កីឡាករ កីឡាការិនី និង​មន្ត្រី​អាជ្ញា​កណ្តាល​កម្ពុជា លើការហូបចុកស្នាក់នៅ ការដឹកជញ្ជូន ក្នុង​អំឡុង​ពេល​ហ្វឹកហាត់​បំប៉ន​បច្ចេកទេស នៅប្រទេសមីយ៉ាន់ម៉ា រយៈពេលវែង រហូតដល់ស៊ីហ្គេម ឆ្នាំ២០២៣ នៅកម្ពុជាតែម្តង។

    លោកបាន​បន្ថែម​ថា ចំពោះ​ប្រភេទកីឡាឈិនឡូននេះ មានវិញ្ញាសាសរុបចំនួន១២ គឺផ្នែកបុរស ៤ នារី៤ និងវិញ្ញាសាចម្រុះ៤ ហើយលោក U SOE NAING នឹងទទួលស្វាគមន៍ និង​រ៉ាប់រង​លើចំនួនគ្រូ អត្តពលិក និងមន្ត្រីបច្ចេកទេស ប៉ុន្មាននាក់ក៏លោកទទួល ដោយក្តីរីករាយ និង​ផ្តល់​ភាព​កក់ក្តៅ​បំផុត ហើយ​ប្រតិភូ​កីឡាកម្ពុជា ​គ្រោង​នឹងត្រូវចេញដំណើរទៅ នៅ​ខែសីហា ឆ្នាំ២០២២ និង​​រហូតដល់កៀក ស៊ីហ្គេម ឆ្នាំ២០២៣ ទើបវិលត្រឡប់មកវិញ ចូលរួម​ប្រកួត​តែម្តង។

    សម្រាប់​ការទៅហ្វឹកហាត់ និងរៀនសូត្ររយៈពេលយូរនេះ ត្រូវបាន​លោកបណ្ឌិត មាស សារិន បានបញ្ជាក់​ថា៖ «ការ​ធ្វើបែបនេះ សហព័ន្ធសំដៅឱ្យ​កីឡាករ កីឡាការិនី និង​មន្រ្តីបច្ចេកទេស​ មានសមត្ថភាព និងគុណភាពគ្រប់គ្រាន់ ក្នុងការប្រជែងដណ្តើមមេដាយជូនជាតិ និង​បម្រើការងារ ក្នុងព្រឹត្តិការណ៍កីឡាស៊ីហ្គេម  ឆ្នាំ២០២៣ ឱ្យបាន​ល្អ»៕

  • Loading...
  • Recent Posts