• Banner Banner Banner Banner Banner Banner
  • លោក Ancelotti ថា Bale សមនឹងទទួលការចាកចេញយ៉ាងកក់ក្តៅពី Real Madrid
    បាល់ទាត់អន្តរជាតិ 1 month ago 114 Views

    បរទេស៖ លោក arlo Ancelotti បាននិយាយ​កាលពីថ្ងៃព្រហស្បតិ៍​ថា Gareth Bale ពិត​ជា​ស័ក្តិ​សម​នឹង​​ទទួល​បាន​ការ​លា​គ្នា​យ៉ាង​ក្តៅ​ក្នុងការ​ប្រកួត​​លើ​ទឹកខ្លួន​ឯង​ជាលើក​ចុងក្រោយរ​បស់ក្រុម Real Madrid នៅ​រដូវ​កាល​នេះ ជាមួយនឹងក្រុម Real Betis​។

    Bale នឹង​ចាក​ចេញពីក្លិប Real Madrid នៅពេល​ដែល​កិច្ច​សន្យា​របស់​គេ​ផុត​កំណត់​នៅ​ចុង​ខែមិថុនា ក្រោយពី​បាន​ចំណាយ​ពេល​អស់​៩​ឆ្នាំ នៅ​ក្លិប​យក្ស​អេ​ស្ប៉ាញ​មួយនេះ ដោយ​អំឡុង​ពេលនោះ រូប​គេ​បាន​ឈ្នះ​ពាន​ La Liga និង​ពានក្រប​ខ័ណ្ឌ Champions League ៤លើក​។ ប៉ុន្តែ ក្រោយ​ពី​​​រដូវ​សមិទ្ធ​ផល​ដ៏​គួរ​ឲ្យ​កត់​សម្គាល់​នៅ​រយៈពេល​៣​ ទៅ​៤ឆ្នាំ​ដំបូង ប្រជា​ប្រិយភាព​របស់ Bale ក្នុង​ចំណោម​អ្នក​គាំទ្រ​របស់ Real Madrid បាន​ធ្លាក់​ចុះ ស្រប​ពេល​ដែល​សារ​ព័ត៌មាន​អេ​ស្ប៉ាញ បាន​រិះ​គន់​ជា​ញឹក​ញាប់​ទៅលើ​រូបភាព ចំពោះ​ការ​ខ្វះនូវ​ការ​ប្តេជ្ញា​ចិត្ត​។

    Real Madrid ជា​ធម្ម​តា ​តែង​តែ​រៀប​ចំ​ការ​លា​គ្នា​ដ៏​រំជួ​ល​ចិត្ត នៅ​ពេល​ដែល​កីឡាករ​សំខាន់​ៗ​ចាក​ចេញ ស្រប​ពេល​ដែលក្រុមនេះ នឹង​លេង​ការ​ប្រកួតក្រប​ខ័ណ្ឌ La Liga លើក​ចុងក្រោយ​របស់​ពួក​គេ នា​កីឡដ្ឋាន Bernabeu ជាមួយនឹងក្រុម Betis នៅរាត្រីនេះ​។ Bale ទំនង​ដូច​ជា​មិនអាច​ចូល​លេង​បានច្រើន​នា​ទីឡើយ ខណៈ​ដែល​រូប​គេ​កំពុង​តែ​មាន​បញ្ហា​របួស​ខ្នង​។ លោក Ancelotti បាននិយាយ​ក្នុង​សន្និ​សីទសារ​ព័ត៌​មាន​ថា៖ «គ្រប់គ្នា​ដឹង​ថា កិច្ច​សន្យា​របស់ Bale នឹងផុត​កំណត់ ហើយ​ដឹងថា រូប​គេ​នឹង​និយាយ​ថា លាហើយ ទៅកាន់​ Real Madrid នៅ​ឆ្នាំ​នេះ​»​៕

     

    ប្រភព​ព័ត៌​មាន៖ Channel News Asia

  • Loading...
  • Recent Posts