បរទេស៖ ក្រុម​ Everton បាន​​ធ្វើ​ឲ្យ​ខ្លួន​​ឯង​មាន​សុវត្ថិភាព​ក្នុង​ការ​បន្ត​លេង​នៅក្រប​ខ័ណ្ឌ Premier League ក្រោយពី​បាន​បំពេញ​ការ​វាយ​បក​ដ៏រំភើបនៅ​តង់ទី​២ ពីការ​តាមពីក្រោយ​ ២-០ ដើម្បី​ផ្តួលក្រុម Crystal Palace ក្នុងលទ្ធ​ផល ៣-២ នៅ​ពីមុខ​អ្នក​គាំទ្រ​ដ៏ច្រើន​កុះ​ករ​ នា​កីឡដ្ឋាន Goodison Park​ កាលពីថ្ងៃព្រហស្បតិ៍​។

លោក Patrick Vieira អ្នក​ចាត់​ការ​ទូទៅ​របស់ក្រុម Crystal Palace បាន​ទាត់​អ្នក​គាំទ្រ​ម្នាក់ ស្រប​ពេល​ដែល​អ្នក​គាំទ្រ​ច្រើន​នាក់ បាន​រត់​ចូល​ក្នុង​ទីលាន​ប្រកួត ដើម្បី​អប់​អរចំនួន​២លើក ក្រោយពី​​គ្រាប់​បាល់​ឈ្នះ​របស់​ខ្សែ​ប្រយុទ្ធ Dominic Calvert-Lewin នៅ​រយៈពេល​៥នាទី​ចុងក្រោយ និង​ក្នុង​ពេល​ស្ថិត​ក្នុង​​ស្ថាន​ភាព​ជ្រួល​ច្របល់ បន្ទាប់​ពី​ការ​ផ្លុំ​កញ្ចែ​បញ្ចប់​​ការ​ប្រកួត​។ លោក Vieira បានបដិ​សេធ​ក្នុង​ការ​បក​ស្រាយ​លើ​ហេតុការណ៍​នេះ ដែល​បាន​កើត​ឡើង នៅពេល​ដែល​​លោក​ត្រូវ​បាន​ឡោមព័ទ្ធដោយ​អ្នក​គាំទ្រ​ Everton ក្នុង​ពេល​លោក​ដើរ​ទៅកាន់​បន្ទះ​ផ្លាស់ប្តូរ​សម្លៀក​បំពាក់​របស់​លោក​។

Everton’s fans invade the football pitch to celebrate at the end of the English Premier League football match between Everton and Crystal Palace at Goodison Park in Liverpool, north west England on May 19, 2022. – Everton staged a dramatic fightback from two goals down to preserve their Premier League status with a 3-2 win against Crystal Palace. (Photo by Oli SCARFF / AFP) / RESTRICTED TO EDITORIAL USE. No use with unauthorized audio, video, data, fixture lists, club/league logos or ‘live’ services. Online in-match use limited to 120 images. An additional 40 images may be used in extra time. No video emulation. Social media in-match use limited to 120 images. An additional 40 images may be used in extra time. No use in betting publications, games or single club/league/player publications. /

ជ័យ​ជម្នះនេះ គ្រប់​គ្រាន់​សម្រាប់​ក្រុម Everton ក្នុងការ​មិន​ចាំ​បាច់​បារម្ភ​ពី​វត្ត​មាន​រយៈ​​ពេល​៦៨​ឆ្នាំ​របស់​ពួកគេក្នុងក្រប​ខ័ណ្ឌ​កំពូល មុន​នឹង​ឈាន​ដល់​ថ្ងៃ​ប្រកួត​​ចុងក្រោយ​រដូវកាល​នេះ នា​ថ្ងៃ​អាទិត្យ​។ លោក Frank Lampard គ្រូបង្វឹក​ក្រុម Everton បាន​ឲ្យដឹងថា៖ «គ្រប់គ្នា​​នៅ​ខាង​ក្រៅ​ពិភព​លោក​នេះ នឹងនិយាយ​ថា យើង​បាន​ស្លាប់​ហើយ និង​កប់​នៅ​ពាក់​កណ្តាល​តង់ ប៉ុន្តែ​បុគ្គ​លិក​លក្ខណៈ​របស់​ក្លិប​នេះ បាន​ជួយ​ឲ្យ​យើង​ឆ្លង​ផុត​។ ស្មារតី​ពិត​ជាអស្ចារយ​។ ខ្ញុំ​ពិត​ជា​រំភើប​ណាស់​»​៕

ប្រភព​ព័ត៌​មាន៖ Channel News Asia