• Banner Banner Banner Banner Banner Banner
  • គ្រូបង្គោលជប៉ុន មើលឃើញច្បាស់ហើយ ពីអ្វីដែលក្រុមកម្ពុជា ត្រូវពង្រឹង សម្រាប់ត្រៀមទៅស៊ីហ្គេម ឆ្នាំ២០២៣
    បាល់ទាត់អន្តរជាតិ 1 month ago 100 Views

    ក្រោយបញ្ចប់បេសកកម្ម នៅ​ស៊ីហ្គេម លើក​ទី​៣១ ឆ្នាំ​​២០២១ ក្នុង​ទី​ក្រុង​ហាណូយ ប្រទេស​វៀតណាម កាលពីថ្ងៃ​ចន្ទ ម្សិលមិញ ជាមួយ​លទ្ធផលមិនគប់ប្រសើរ​នោះ គ្រូ​បង្គោល​ជនជាតិជប៉ុន លោក​ Ryu Hirose បានមើល​​ឃើញ​យ៉ាងច្បាស់ពីចំណុច​ខ្វះ​ខាត ដែល​ក្រុម​ជម្រើសជាតិកម្ពុជាអាយុក្រោម​២៣​ឆ្នាំ ត្រូវ​ធ្វើការ​ពង្រឹងបន្ថែម ដើម្បីឱ្យ​ចំគោល​ដៅ ក្នុងដំណើរ​ឆ្ពោះ​ទៅ​ស៊ីហ្គេម លើក​ទី​៣២ ឆ្នាំ​២០២៣ ដែល​កម្ពុជា ត្រូវ​ធ្វើជា​ម្ចាស់​ផ្ទះ​វិញ​ម្តង។

    តាម​រយៈ​ការ​​ប្រកួតជម្រុះ​ប្រចាំពូល​B ចំនួន​៤​លើក កន្លង​មក​នេះ ក្រុម​ជម្រើសជាតិកម្ពុជា ធ្វើ​បាន​យ៉ាង​ល្អ ពេលពួកគេ បាន​យក​ឈ្នះក្រុមសិង្ហបុរី ៤-១ នៅថ្ងៃ​បើក​ឆាក មុន​ពេលពួកគេ បន្ត​ទៅចាញ់​ក្រុមសិង្ហបុរី ១-០ និងចាញ់​ក្រុម​ជម្រើសជាតិថៃ រហូត​ដល់ ៥-០ ចំណែក​ការ​បង្រ្គប់កិច្ច​ចុង​ក្រោយ កាលពី​ថ្ងៃ​ចន្ទ ម្សិលមិញ ក្រុមកម្ពុជា បាន​បង្ហាញ​ការ​ប្រកួត​យ៉ាង​យក​ចិត្តទុកដាក់ ដើម្បី​បញ្ចប់ការ​ប្រកួត​ស្មើ ២-២​ ជាមួយក្រុម​ម៉ាឡេស៊ី។

    តាម​រយៈលទ្ធផលនេះ បានធ្វើ​ឱ្យក្រុមគោព្រៃ​កម្ពុជា ធ្លាក់ចេញពីការ​ប្រកួតនេះ ដោយ​បាន​ត្រឹម​លេខ​៤ ក្នុងពូល​B នេះ ចំណែកក្រុម​ថៃ ទទួលបាន​លេខ​១ ប្រចាំពូលនេះ ដោយមាន​៩ពិន្ទុ ហើយ​ក្រុម​ម៉ាឡេស៊ី ជាប់​លេខ​២ មាន​៨​ពិន្ទុ ហេតុនេះ ថៃ ត្រូវជួបក្រុមលេខ​២​ពូល​A ឥណ្ឌូនេស៊ី នៅ​វគ្គ​ផ្តាច់​ព្រ័ត្រ ហើយ​ម៉ាឡេស៊ី ត្រូវ​ប្រឈមជាមួយក្រុមលេខ​១​ពូល​A របស់​ម្ចាស់​ផ្ទះ​វៀតណាម។

    យ៉ាងណាមិញ លោក Ryu Hirose ដែល​បាន​ធ្វើដំណើរ មក​ដល់ប្រទេស​កម្ពុជា​វិញ បាន​ធ្វើការ​វាយ​តម្លៃ ជារួម ទៅ​ដល់ការ​ប្រកួតរបស់​ក្រុមជម្រើសជាតិកម្ពុជា ក្នុង​ព្រឹត្តិការណ៍​ស៊ីហ្គេម  នេះ​ថា៖​«ចំណុច​សំខាន់ នៃព្រឹត្តិការណ៍នេះ គឺនៅពេលចាប់ផ្ដើមដំបូង យើង​លេង​បាន​យ៉ាងល្អ ជាមួយជ័យជម្នះ។ បន្ទាប់មកជាមួយ ក្រុម​សិង្ហបុរី និងក្រុម​ថៃ វា​ពិត​ជា​ការ​ប្រកួត​ដ៏​ពិបាក ហើយពាក់កណ្ដាលផ្លូវនៃព្រឹត្តិការណ៍នេះ យើង​បាន​ផ្លាស់​ប្ដូរ​យុទ្ធ​សាស្ត្រ​លេង​របស់​យើង។ ចំណែកការប្រកួតនេះ (ជាមួយ​ក្រុមម៉ាឡេស៊ី) យើងធ្វើបានល្អពេញមួយប្រកួត»។

    ជាមួយគ្នា​នេះ គ្រូ​បង្គោល​រូបនេះ បាន​ទម្លាយ​ពីចំណុច​ចាំ​បាច់ ដែល​ក្រុមកម្ពុជា ត្រូវ​ធ្វើ​ការ​កែ​ប្រែ និងពង្រឹង​ឱ្យបាន​ខ្លាំង​ សម្រាប់ដំណើរឆ្ពោះ​ទៅស៊ីហ្គេម នៅកម្ពុជា ឆ្នាំ​២០២៣។ លោក Ryu Hirose បានបញ្ជាក់​ថា៖ «សម្រាប់ស៊ីហ្គេម ឆ្នាំក្រោយ យើងត្រូវតែពង្រឹង​កាយ​សម្បទា ហើយ​មួយទៀត គឺយើងត្រូវតែរកគ្រាប់បាល់។ យើងត្រូវតែបង្កើនគុណភាព នៅក្នុងការបញ្ចប់ទី។ ដូច្នេះទាំងអស់នេះ គឺជាអ្វីដែលយើងត្រូវពង្រឹង នៅស៊ីហ្គេមបន្ទាប់»៕

  • Loading...
  • Recent Posts