បរទេស៖ លោក Mauricio Pochettino ដែល​ជា​អ្នក​ចាត់ការទូទៅ ចាត់ទុក​ថា ការ​រង​បរា​ជ័យដ៏​ខក​ចិត្ត​​ក្នុងក្រប​ខ័ណ្ឌ Ligue 1 របស់ក្រុម Paris St-Germain នៅលើ​ទឹកដីក្រុម Monaco គឺ​ជា​រឿង​ដែល «មិន​អាច​ទទួល​យក​បាន និង​ជា​រឿង​អា​ម៉ាស់​ក្នុង​កីឡា​»​។

PSG ដែល​កំពុង​តែ​នាំមុខ​លើ​កំពូល​តារាង មិន​បាន​ស្ថិតក្នុង​ទម្រង់លេង​យ៉ាងល្អបំផុត​របស់​ខ្លួន​ឡើយ និង​បាន​រង​បរា​ជ័យ​ដ៏ធំបំផុត​របស់ពួកគេ​ក្នុង​យុទ្ធនាការ​ Ligue 1 មក​ទល់ពេលនេះ​។ លទ្ធផលនេះ ក៏បាន​ធ្វើ​ឲ្យ​ពួក​គេ​រង​បរា​ជ័យ​ជាលើក​ទី​៤ក្នុង​ចំណោម​ការ​ប្រកួត​៦លើក​ចុងក្រោយ​របស់ពួក​គេ​ក្នុង​រាល់​យុទ្ធនា​ការ​ទាំង​អស់ផង​ដែរ។ លោក Pochettino បាន​ឲ្យដឹងថា៖ «របៀប​ដែលយើង​បាន​រង​បរា​ជ័យ​ គឺ​មិនអាច​ទទួល​យក​បាន​ឡើយ ក្នុង​កម្រិត​នៃ​យុទ្ធនាការ​នេះ​។ យើង​មិនអាច​ចាប់​ផ្តើម​ការ​ប្រកួត​ដូច​ដែលយើង​បាន​ចាប់ផ្តើម​ក្នុង​ការ​ប្រកួត​បែបនេះឡើយ​។

កីឡាករ Wissam Ben Yedder បាន​ស៊ុ​ត​បាល់បញ្ចូលទី​២​គ្រាប់​សម្រាប់ក្រុម​ម្ចាស់​ផ្ទះ តាមរយៈការ​ស៊ុត​បាល់​ចូល​ជ្រុង​ម្ខាង​យ៉ាងល្អ​ និង​ការ​ស៊ុត​បាល់​ប៉េណាល់ទី ខណៈ​ដែល​រូប​គេ​បាននាំ​មុខ​២គ្រាប់​លើ Kylian Mbappe លើ​តារាង​ក្នុងនាម​ជា​អ្នករក​បានគ្រាប់​បាល់ច្រើន​ជាង ក្នុងក្រប​ខ័ណ្ឌ Ligue 1 តាមរយៈ​ការរក​បាន​១៧គ្រាប់​៕

ប្រភព​ព័ត៌មាន៖ BBC