• Banner Banner Banner Banner Banner Banner
  • លោក Pochettino បញ្ជាក់ថា Mbappe នឹងរឹងមាំទាន់ពេល ដើម្បីប៉ះជាមួយ Real រាត្រីនេះ
    បាល់ទាត់អន្តរជាតិ 4 months ago 128 Views

    បរទេស៖ លោក Mauricio Pochettino បាន​និយាយ​ថា Kylian Mbappe ស្ថិត​ក្នុង​ស្ថាន​ភាព​ល្អ និង​រំពឹង​ទុក​ថា រូប​គេ​នឹង​ចូលលេង​ពេល​ប៉ះ​ក្រុម Real Madrid ក្នុងការ​ប្រកួតក្រប​ខ័ណ្ឌ Champions League នៅ​រាត្រីនេះ បើទោះ​បី​​មានការ​បារម្ភ​​ពី​​បញ្ហា​របួសលើ​ខ្សែ​ប្រយុទ្ធ​រូប​នេះ​ក្នុង​ពេលហ្វឹកហាត់​ក៏ដោយ​។

    Mbappe បាន​​ជួប​បញ្ហា​ក្នុង​ពេលហ្វឹកហាត់ កាលពីថ្ងៃ​ចន្ទ ដែល​នាំ​ឲ្យ​មានការ​បារម្ភ​ថា រូប​គេអាច​នឹង​អវត្តមាន​ក្នុងការ​ប្រកួត​ជើង​ទី​២ នៅកីឡដ្ឋាន Santiago Bernabeu ដែល​ជា​​កន្លែង​​ដែលក្រុម Real Madrid ត្រូវ​តែ​ធ្វើការ​ស្រោច​ស្រង់​ពីការចាញ់ ១-០ ដើម្បី​ទៅ​វគ្គ​៨ក្រុម​ចុងក្រោយ​​។ ប៉ុន្តែ PSG បាន​រៀប​ចំ​ការ​ហ្វឹកហាត់​ដោយ​បើក​ចំហ​មួយនៅកីឡដ្ឋាននេះ កាលពីល្ងាច​ថ្ងៃអង្គារ ហើយ Mbappe ទំនង​ដូច​ជា​បាន​ចូលរួមធម្មតា​។ ក្នុង​សន្និ​សីទ​សារ​ព័ត៌​មាន​មុន​ពេល​ហ្វឹកហាត់ លោក Pochettino បានប​ញ្ជាក់​ថា៖ «រូ​ប​គេមិនមាន​បញ្ហា​អ្វីឡើយ​។ ដំបូង​ឡើយ រូប​គេ​មានការ​ឈឺ​ចុក​ចាប់​បន្តិច ប៉ុន្តែ រយៈពេល​ប៉ុន្មានម៉ោងក្រោយមក រូប​គេ​អាច​ដើរ​បាន​ធម្មតា​»​។

    រាល់​ការ​ចាប់​អារម្មណ៍នានា នឹង​ធ្លាក់​ទៅលើ Mbappe នៅ​សប្តាហ៍​នេះ ដោយ​សារ​តែ​កិច្ច​សន្យា​របស់​តារាឆ្នើម​វ័យ​២៣​ឆ្នាំ​រូបនេះ ជាមួយនឹង​ក្លិប PSG នឹង​ផុត​កំណត់នៅ​ចុង​រដូវ​កាល​នេះ ហើយ​រូប​គេ​ត្រូវ​បាន​រំពឹង​ទុក​ថា នឹងចូលរួម​ជាមួយនឹងក្លិប Real Madrid ជំនួស​ឲ្យ​ការ​បន្តកុង​ត្រា​ថ្មី​៕

     

    ប្រភព​ព័ត៌មាន៖ Channel News Asia

  • Loading...
  • Recent Posts