បរទេស៖ Cristiano Ronaldo បានជួបនិងកំនត់ត្រារកគ្រាប់បាល់ដ៏អាក្រក់បំផុតអស់រយៈពេល ១៣ ឆ្នាំ បន្ទាប់ពី បានខក​ខានក្នុងការរកគ្រាប់បាល់៥លើកចុងក្រោយ សម្រាប់ក្រុម Man. Utd ក្នុងគ្រប់ការប្រកួតទាំងអស់។គួរបញ្ជក់​ថាខ្សែ​ប្រយុទ្ធ​ស្លាប វ័យ ៣៧ ឆ្នាំរូបនេះបង្ហាញខ្លួននៅ Premier League  ៤ដងចុងក្រោយរបស់គាត់ជាមួយ Wolverhampton Wanderers, Brentford, West Ham United និង Burnley ព្រមទាំងMiddlesbroughនៅក្របខណ្ឌ   FA Cup កាលពីថ្ងៃទី ៤ ខែកុម្ភៈ២០២២កន្លងទៅ។

គ្រាប់បាល់ចុងក្រោយរបស់ Ronaldo គឹពេលជួបប្រកួតជាមួយ Burnley ក្នុងក្របខ័ណ្ឌ Premier League នៅចុងខែធ្នូ  ខណៈកីឡាករជម្រើសជាតិព័រទុយហ្គាល់រូបនេះក៏ធ្លាប់ខកខានរកគ្រាប់បាល់ប្រាំពីរប្រកួតនៅចន្លោះខែធ្នូ ឆ្នាំ ២០០៨ ដល់ខែ​​មករា ឆ្នាំ ២០០៩ កំឡុងពេលប្រកបអាជីពលើកដំបូងនៅទឹកដីOld Trafford ។

ថ្លែងក្នុងសន្និសីទសារព័ត៌មានមុនការប្រកួតកាលពីថ្ងៃសុក្រ លោក Ralf Rangnick គ្រូបង្វឹកបណ្តោះអាសន្នរ បស់ បិសា ចក្រហមបានសារភាពថា Ronaldo ត្រូវការរកគ្រាប់បាល់បន្ថែមទៀត។កីឡាករសញ្ជាតិ​ព័រទុយ​ហ្គាល់​រូបនេះបាន​ស៊ុតបាល់​បញ្ចូល​​ទីចំនួន14 ដង និងបានបញ្ជូនបាល់ឱ្យមិត្តរួមក្រុមបញ្ចប់ទី៣ដងក្នុងការបង្ហាញខ្លួន ២៥ លើកសម្រាប់ក្រុម​ម្ចាស់ជើង​ឯក​អង់​គ្លេស ២០ សម័យកាលក្រោយវិល ត្រឡប់ទៅកាន់ទឹកដី Old Traffordវិញ កាលពីដើមរដូវកាលនេះ៕

ប្រភពព័ត៍មាន៖ Sportsmole