បរទេស៖​ ខ្សែប្រយុទ្ធឆ្នើម Robert Lewandowski នឹងបន្តខកខានការប្រកួតជើងទី ២ វគ្គ ៨ ក្រុមចុងក្រោយនៃពានរង្វាន់ Champions League ទល់​នឹង​ក្រុម Paris Saint-Germain   នៅសប្តាហ៍ក្រោយ បន្ទាប់ពីកីឡាករឆ្នើមរូបនេះ នៅមិនទាន់ប្រាកដច្បាស់​នៅឡើយ​ថា​បញ្ហា​របួស​ជង្គង់របស់ខ្លួនបានធូរស្បើយ និងមានសុវត្តិភាពអាចបានរឺនៅ។

ខ្សែប្រយុទ្ធជើងចាស់របស់ក្លិប Bayern Munich សញ្ជាតិប៉ូឡូញរូបនេះបានរងរបួស អំឡុងពេលបំពេញកាតព្វកិច្ច​សម្រាប់​ក្រុមជម្រើសជាតិ ប៉ូឡូញក្នុងវគ្គជម្រុះព្រឹត្តការណ៏ World Cup ២០២២។ អវត្តមានរបស់កីឡាករ​ពូកែរក​គ្រាប់​បាល់​រូប​នេះធ្វើអោយក្រុម Bayern ថមថយកំលាំងនៅតំបន់ប្រយុទ្ធយ៉ាងខ្លាំងជាពិសេសកំលុងពេល​ប្រកួត​ជ​ម្រុះ​វគ្គ ១/៤ផ្តាច់ព្រ័ត្រ Champion League ពេលចាញ់ PSG ក្នុងលទ្ធផល ៣ទល់និង២ កាលពីយប់មិញ។

អ្នកចាត់ការទូទៅលោក Hansi Flick ក៏ត្រូវអវត្តមានខ្សែបម្រើឆ្នើម Serge Gnabry ដែលធ្វើអោយធ្វើឱ្យក្រុម Bayern ខកចិត្ត​បន្ថែ​មដល់​តំបន់ប្រយុទ្ធនិងធ្វើអោយកីឡាករ Choupo-Moting អាចនិងបន្ត តំណែងរបស់ខ្លួនគាត់នៅសប្តាហ៍​ក្រោយជាមួយ Thomas Muller, Kingsley Coman និង Leroy Sane៕

ប្រភពព័ត៍មាន៖ Goal