• គុន​ដាវ ប្រើពេល​ប្រកួត​​ថ្នាក់ជាតិ ត្រឹម​១ថ្ងៃ តែ​អ្នក​ឈ្នះ​ជើង​ឯក មិន​ប្រាកដ បាន​ជាប់ជម្រើសជាតិ
    កីឡាផ្សេងៗ 2 months ago 74 Views

    សហព័ន្ធ​កីឡា​គុនដាវកម្ពុជា ​បាន​ប្រើពេល​ត្រឹម​១​ថ្ងៃ ដើម្បី​រៀបចំ​ការ​ប្រកួតកីឡា​គុនដាវ​ជ្រើស​រើស​ជើង​ឯក​ថ្នាក់ជាតិ ប្រចាំ​ឆ្នាំ​២០២០ ​គឺ​ការ​លើក​យក​មក​ធ្វើ​នៅ​សាលបាល់បោះ​នៃ​មជ្ឈមណ្ឌល​ជាតិ​ហ្វឹកហ្វឺន​កីឡា នាថ្ងៃសៅរ៍​​នេះ ប៉ុន្តែ​អត្តពលិក ដែលជា​ម្ចាស់​ជើង​ឯក នៅ​ក្នុងការ​ប្រកួតនេះ ក៏មិនទាន់​ប្រាកដ​ថា នឹង​​ត្រូវបាន​ជ្រើស​រើស​ជា​កីឡាករ កីឡាការិនី​ជម្រើសជាតិ ក្នុង​ឆ្នាំ​២០២១​នេះ​ផងដែរ។


    លោក សុខ អាង អគ្គ​លេខាធិការ​សហព័ន្ធ​កីឡា​គុនដាវកម្ពុជា បាន​ប្រាប់ថា ការ​ប្រកួត​ថ្នាក់ជាតិ លើក​នេះ យើង​ធ្វើ គ្រាន់​ជា​ការ​បង្រ្គប់ តាម​គោល​ការណ៍​របស់ក្រសួងអប់រំ យុវជន និង​កីឡា ដើម្បីបញ្ចប់​គម្រោង​ផែនការ​ប្រចាំ​ឆ្នាំ​២០២០ ព្រោះ​យើងបានជួប​វិបត្តិជំងឺ​កូវីដ​១៩ ហើយចំនួន​​ក្រុម​អត្តពលិក​ចូល​រួម ក៏មានការ​ថយ​ចុះផងដែរ គឺ​មាន​​ត្រឹម​៣៥​នាក់ មក​ពី​៦ក្លិប។
    ការ​ថមថយ​​ចំនួន​អ្នក​ចូល​រួម ដោយ​សារវិបត្តិជំងឺ​កូវីដ​១៩​នេះ បាន​ធ្វើ​ឲ្យ​សហព័ន្ធ​កីឡា​គុន​ដាវ​កម្ពុជា ឈាន​ដល់​ការ​កែ​ប្រែ​លក្ខខណ្ឌ​ប្រកួត គឺ​ការ​បង្រួម​វិញ្ញាសា​ប្រកួត​មក​សល់​ត្រឹម​៣វិញ្ញាសា ហើយ​ដាក់កីឡាករ កីឡាការិនី ឱ្យ​ប្រកួត​ចម្រុះ​គ្នា​តែ​ម្តង។
    លោក សុខ អាង បានបញ្ជាក់ថា៖​ «កីឡា​គុនដាវ ​មានទាំង​អស់ ៣ប្រភេទ​ដាវ ស្មើ​នឹង​​១២វិញ្ញាសា គឺ​ជា​ក្រុម​៦​វិញ្ញាសា និង​ជាឯក​ត្តជន​៦វិញ្ញាសា ប៉ុន្តែ​យើងមិន​អាច​រៀបចំ​ការ​ប្រកួត​ជា​​ក្រុម​បាន​ទេ ដោយ​សារតែ​ចំនួន​អ្នក​ចូល​រួម​តិច​ពេក ចំណែក​​៦​វិញ្ញាសា​ឯក​ត្តជន យើង​បាន​ដាក់​បញ្ចូល​គ្នា នៅ​សល់​ត្រឹម​៣វិញ្ញាសា មាន​ន័យ​ថា ​ការ​ប្រកួត​ថ្នាក់ជាតិ​លើកនេះ មានតែ​៣វិញ្ញាសា​ទេ អ៊ីចឹង​នៅ​ក្នុង​មួយប្រភេទ​ដាវ គឺយើង​ដាក់​​កីឡាករ និងកីឡា​ការិនី​ ឲ្យ​ប្រកួត​ចូល​គ្នាតែ​ម្តង»។
    ជាមួយការ​កែ​ប្រែ​លក្ខខណ្ឌ​ប្រកួត ដោយ​ដាក់កីឡាករ កីឡាការិនី​ឱ្យប្រកួតចម្រុះ​គ្នា នៅ​លើ​ត្រឹម​៣វិញ្ញាសា​នេះ ត្រូវបាន​លោក សុខ អាង ចាត់ទុក​ថា ជា​ការ​ផ្តល់​ឱកាស​ឱ្យ​ក្រុមអត្តពលិក​នៅមានកម្រិត​បច្ចេក​ទេសស្ទើរ ទទួលបានបទពិសោធថ្មីៗ​បន្ថែម។ «​ចំពោះ​ការ​ប្រកួតនេះ គឺ​សម្រាប់អ្នក ​ដែល​មាន​សមត្ថ​ភាព​ខ្លាំង​ស្រាប់នោះ គឺ​គុណ​ភាពប្រហែល​ជា​មិនអាច​កើន​អីបាន​ទៀត​ទេ ប៉ុន្តែ​សម្រាប់​អ្នក ​ដែល​មាន​កម្រិត​បច្ចេក​ទេស​ នៅតាមពី​​​ក្រោយ គឺ​គាត់​នឹង​បាន​ប្រកួត​ជាមួយ​ជើង​ខ្លាំង ហេតុ​នេះ​គាត់នឹង​ទទួល​បាន​បទពិសោធ​ថ្មីៗ សម្រាប់​យក​ទៅ​ពង្រឹង​សមត្ថ​ភាព​របស់​ពួកគាត់បន្ថែម​ទៀត»។
    ទោះ​បីជា​យ៉ាង​ណា សម្រាប់​គោលការណ៍​ជ្រើ​សរើស​អត្តពលិក​ ចូល​ទៅ​​ហ្វឹក​ហាត់ ក្នុង​ក្រុមជម្រើសជាតិ គឺ​សហ​ព័ន្ធ​កីឡា​គុនដាវ​កម្ពុជា មានគោលការណ៍​ផ្សេង​ពីសហព័ន្ធ​ផ្សេង​ទៀត ពោល​គឺ​មិន​មែន​យក តែ​លើ​លទ្ធផល​ នៅ​ក្នុង​ការ​ប្រកួត​ថ្នាក់​ជាតិ​នេះ ដើម្បី​សម្រេច ឬ​ផ្តល់​អាទិភាព​ឱ្យ​អ្នក​ឈ្នះ​ជើង​ឯក ​ជាប់​ជា​ជម្រើសជាតិ​នោះ​ទេ។
    លោក សុខ អាង បញ្ជាក់​ថា៖ «យើង​ព្យាយាមធ្វើ​​ទៅតាម​គោលការណ៍​របស់​សហព័ន្ធ​អន្តរជាតិ មាន​ន័យ​ថា យើង​យក​ការ​ប្រកួត​ផ្លូវការ​របស់​សហ​ព័ន្ធ​​ រួម​មាន​ការ​ប្រកួត​ Western Cup និង​ជើងឯក​ថ្នាក់ជាតិ​​នេះ ដើម្បី​គិត​​ជា​ចំណាត់​ថ្នាក់ (Ranking) ​ឱ្យ​ពួក​គាត់ អ៊ីចឹង​​យើង​​មិនកំណត់ថា អ្នក​ដែល​ឈ្នះ​ជើង​ឯក​ថ្នាក់ជាតិ ត្រូវ​តែ​បានជាប់​ជា​ជម្រើសជាតិ នោះ​ទេ សំខាន់​ឱ្យ​តែ Ranking គាត់ខ្ពស់ គឺ​យើង​នឹង​យក​អ្នក​នោះ ទៅចូល​​ជម្រើសជាតិតែ​ម្តង»៕សហព័ន្ធ​កីឡា​គុនដាវកម្ពុជា ​បាន​ប្រើពេល​ត្រឹម​១​ថ្ងៃ ដើម្បី​រៀបចំ​ការ​ប្រកួតកីឡា​គុនដាវ​ជ្រើស​រើស​ជើង​ឯក​ថ្នាក់ជាតិ ប្រចាំ​ឆ្នាំ​២០២០ ​គឺ​ការ​លើក​យក​មក​ធ្វើ​នៅ​សាលបាល់បោះ​នៃ​មជ្ឈមណ្ឌល​ជាតិ​ហ្វឹកហ្វឺន​កីឡា នាថ្ងៃសៅរ៍​​នេះ ប៉ុន្តែ​អត្តពលិក ដែលជា​ម្ចាស់​ជើង​ឯក នៅ​ក្នុងការ​ប្រកួតនេះ ក៏មិនទាន់​ប្រាកដ​ថា នឹង​​ត្រូវបាន​ជ្រើស​រើស​ជា​កីឡាករ កីឡាការិនី​ជម្រើសជាតិ ក្នុង​ឆ្នាំ​២០២១​នេះ​ផងដែរ។
    លោក សុខ អាង អគ្គ​លេខាធិការ​សហព័ន្ធ​កីឡា​គុនដាវកម្ពុជា បាន​ប្រាប់ថា ការ​ប្រកួត​ថ្នាក់ជាតិ លើក​នេះ យើង​ធ្វើ គ្រាន់​ជា​ការ​បង្រ្គប់ តាម​គោល​ការណ៍​របស់ក្រសួងអប់រំ យុវជន និង​កីឡា ដើម្បីបញ្ចប់​គម្រោង​ផែនការ​ប្រចាំ​ឆ្នាំ​២០២០ ព្រោះ​យើងបានជួប​វិបត្តិជំងឺ​កូវីដ​១៩ ហើយចំនួន​​ក្រុម​អត្តពលិក​ចូល​រួម ក៏មានការ​ថយ​ចុះផងដែរ គឺ​មាន​​ត្រឹម​៣៥​នាក់ មក​ពី​៦ក្លិប។
    ការ​ថមថយ​​ចំនួន​អ្នក​ចូល​រួម ដោយ​សារវិបត្តិជំងឺ​កូវីដ​១៩​នេះ បាន​ធ្វើ​ឲ្យ​សហព័ន្ធ​កីឡា​គុន​ដាវ​កម្ពុជា ឈាន​ដល់​ការ​កែ​ប្រែ​លក្ខខណ្ឌ​ប្រកួត គឺ​ការ​បង្រួម​វិញ្ញាសា​ប្រកួត​មក​សល់​ត្រឹម​៣វិញ្ញាសា ហើយ​ដាក់កីឡាករ កីឡាការិនី ឱ្យ​ប្រកួត​ចម្រុះ​គ្នា​តែ​ម្តង។
    លោក សុខ អាង បានបញ្ជាក់ថា៖​ «កីឡា​គុនដាវ ​មានទាំង​អស់ ៣ប្រភេទ​ដាវ ស្មើ​នឹង​​១២វិញ្ញាសា គឺ​ជា​ក្រុម​៦​វិញ្ញាសា និង​ជាឯក​ត្តជន​៦វិញ្ញាសា ប៉ុន្តែ​យើងមិន​អាច​រៀបចំ​ការ​ប្រកួត​ជា​​ក្រុម​បាន​ទេ ដោយ​សារតែ​ចំនួន​អ្នក​ចូល​រួម​តិច​ពេក ចំណែក​​៦​វិញ្ញាសា​ឯក​ត្តជន យើង​បាន​ដាក់​បញ្ចូល​គ្នា នៅ​សល់​ត្រឹម​៣វិញ្ញាសា មាន​ន័យ​ថា ​ការ​ប្រកួត​ថ្នាក់ជាតិ​លើកនេះ មានតែ​៣វិញ្ញាសា​ទេ អ៊ីចឹង​នៅ​ក្នុង​មួយប្រភេទ​ដាវ គឺយើង​ដាក់​​កីឡាករ និងកីឡា​ការិនី​ ឲ្យ​ប្រកួត​ចូល​គ្នាតែ​ម្តង»។
    ជាមួយការ​កែ​ប្រែ​លក្ខខណ្ឌ​ប្រកួត ដោយ​ដាក់កីឡាករ កីឡាការិនី​ឱ្យប្រកួតចម្រុះ​គ្នា នៅ​លើ​ត្រឹម​៣វិញ្ញាសា​នេះ ត្រូវបាន​លោក សុខ អាង ចាត់ទុក​ថា ជា​ការ​ផ្តល់​ឱកាស​ឱ្យ​ក្រុមអត្តពលិក​នៅមានកម្រិត​បច្ចេក​ទេសស្ទើរ ទទួលបានបទពិសោធថ្មីៗ​បន្ថែម។ «​ចំពោះ​ការ​ប្រកួតនេះ គឺ​សម្រាប់អ្នក ​ដែល​មាន​សមត្ថ​ភាព​ខ្លាំង​ស្រាប់នោះ គឺ​គុណ​ភាពប្រហែល​ជា​មិនអាច​កើន​អីបាន​ទៀត​ទេ ប៉ុន្តែ​សម្រាប់​អ្នក ​ដែល​មាន​កម្រិត​បច្ចេក​ទេស​ នៅតាមពី​​​ក្រោយ គឺ​គាត់​នឹង​បាន​ប្រកួត​ជាមួយ​ជើង​ខ្លាំង ហេតុ​នេះ​គាត់នឹង​ទទួល​បាន​បទពិសោធ​ថ្មីៗ សម្រាប់​យក​ទៅ​ពង្រឹង​សមត្ថ​ភាព​របស់​ពួកគាត់បន្ថែម​ទៀត»។
    ទោះ​បីជា​យ៉ាង​ណា សម្រាប់​គោលការណ៍​ជ្រើ​សរើស​អត្តពលិក​ ចូល​ទៅ​​ហ្វឹក​ហាត់ ក្នុង​ក្រុមជម្រើសជាតិ គឺ​សហ​ព័ន្ធ​កីឡា​គុនដាវ​កម្ពុជា មានគោលការណ៍​ផ្សេង​ពីសហព័ន្ធ​ផ្សេង​ទៀត ពោល​គឺ​មិន​មែន​យក តែ​លើ​លទ្ធផល​ នៅ​ក្នុង​ការ​ប្រកួត​ថ្នាក់​ជាតិ​នេះ ដើម្បី​សម្រេច ឬ​ផ្តល់​អាទិភាព​ឱ្យ​អ្នក​ឈ្នះ​ជើង​ឯក ​ជាប់​ជា​ជម្រើសជាតិ​នោះ​ទេ។
    លោក សុខ អាង បញ្ជាក់​ថា៖ «យើង​ព្យាយាមធ្វើ​​ទៅតាម​គោលការណ៍​របស់​សហព័ន្ធ​អន្តរជាតិ មាន​ន័យ​ថា យើង​យក​ការ​ប្រកួត​ផ្លូវការ​របស់​សហ​ព័ន្ធ​​ រួម​មាន​ការ​ប្រកួត​ Western Cup និង​ជើងឯក​ថ្នាក់ជាតិ​​នេះ ដើម្បី​គិត​​ជា​ចំណាត់​ថ្នាក់ (Ranking) ​ឱ្យ​ពួក​គាត់ អ៊ីចឹង​​យើង​​មិនកំណត់ថា អ្នក​ដែល​ឈ្នះ​ជើង​ឯក​ថ្នាក់ជាតិ ត្រូវ​តែ​បានជាប់​ជា​ជម្រើសជាតិ នោះ​ទេ សំខាន់​ឱ្យ​តែ Ranking គាត់ខ្ពស់ គឺ​យើង​នឹង​យក​អ្នក​នោះ ទៅចូល​​ជម្រើសជាតិតែ​ម្តង»៕

  • Loading...
  • Recent Posts