• CAMSOC ដាក់គោលការណ៍សំខាន់ ឲ្យសហព័ន្ធជាតិអនុវត្ត ដើម្បីត្រៀមទៅស៊ីហ្គេម
    កីឡាផ្សេងៗ 1 month ago 77 Views

    គណៈកម្មការជាតិ​រៀបចំ​ការ​ប្រកួត​កីឡាអាស៊ីអាគ្នេយ៍ លើក​ទី​៣២ ឆ្នាំ​២០២៣ ហៅ​កាត់ថា CAMSOC បាន​ដាក់​ចេញ​នូវ​គោលការណ៍​សំខាន់ៗ​ចំនួន​៣ ដើម្បី​ឲ្យសហព័ន្ធ​កីឡាជាតិ ដែល​មានកាតព្វ​កិច្ចជាប់​ខ្លួន ត្រូវចាប់​ផ្តើម​អនុវត្ត ឲ្យបានច្បាស់លាស់ និង​មាន​ប្រសិទ្ធ​​ភាពខ្ពស់ ដើម្បី​ឈាន​ទៅ​ទទួលបាន​ជោគ​ជ័យ​ទាំងអស់​គ្នា ​នៅ​ក្នុងការ​ប្រកួតស៊ីហ្គេម ឆ្នាំ​២០២១ នៅ​វៀតណាម និង​ស៊ីហ្គេម ឆ្នាំ​២០២៣ នៅ​កម្ពុជា។

    អគ្គ​លេខាធិការ CAMSOC លោក វ៉ាត់ ចំរើន បាន​ប្រាប់ថា៖ ​«តាម​អនុសាសន៍​ណែនាំ ដ៏​ខ្ពង់​ខ្ពស់​របស់​ឯក​ឧត្តម​បណ្ឌិត ថោង ខុន រដ្ឋ​មន្រ្តី​ក្រសួង​ទេសចរណ៍ និង​ជា​អនុ​ប្រធាន​អចិន្រ្តៃយ៍ CAMSOC ព្រមទាំង​តាម​ស្មារតី​សន្និបាត បូក​សរុប​ការងារ ឆ្នាំ​២០២០ លើក​​ទិស​​ដៅ​ ឆ្នាំ​២០២១ និង​ការ​ដាក់​ចេញ​គោលការណ៍​សំខាន់ៗ​របស់​សម្តេច​ពិជ័យ​សេនា ​ជាប្រធាន CAMSOC គឺ​សូមឲ្យ​​សហព័ន្ធ​កីឡា​ជាតិ​ ដែល​ត្រៀម​ចូលរួម​ប្រកួត​កីឡា ស៊ីហ្គេម ឆ្នាំ​២០២១ និង​ឆ្នាំ​២០២៣ ត្រូវ​ចាប់​ផ្តើម​អនុវត្ត «Take Action» ចំនួន​៣ចំណុច»។

    លោក បាន​បន្ត​ថា ទី​១ សូម​បើក​សន្និបាត ឬ កិច្ច​ប្រជុំ​រួម​របស់​សហ​ព័ន្ធ ដើម្បី​ពិនិត្យ​ផែន​ការ​សកម្មភាព ​ក្នុង​ដំណាក់​កាល​រៀបចំ Games Operation Time 2021 ឱ្យ​មុត​ស្រួច ស៊ី​ជម្រៅ ក្នុង​ការ​អភិវឌ្ឍ​សមត្ថភាព គុណ​ផល​កីឡា​កម្រិត​ខ្ពស់ ប្រចាំ​ជំនាញ​កីឡា​របស់​ខ្លួន​នីមួយៗ។

    ចំណែក​ទី​២ ពិនិត្យ​ និង​ជំរុញ​រៀបចំ ក្រុម​កីឡាករសម្រាប់​ស៊ីហ្គេម (Team Sea Games) ឱ្យ​មាន​ប្រសិទ្ធភាព មាន​កីឡាករ​មាន​ទេពកោសល្យ​គ្រប់​គ្រាន់ មាន​គ្រូ​បង្វឹក​មាន​គុណ​វុឌ្ឍ​ខ្ពង់ (qualified coach) ដើម្បី​ដាក់​ការ​ហាត់​ហ្វឹក​ហ្វឺន​កម្រិត​បន្ទុក និង​អាំង​តង់ស៊ី​តេ​ខ្ពស់ ក្នុង​ឆ្នាំ២០២១។

    លោក វ៉ាត់ ចំរើន បាន​បន្ថែម​ថា៖​«ចំណុច​ទី ៣ គឺ​ថ្នាក់​ដឹកនាំ​សហ​ព័ន្ធ និង​គ្រូ​បង្វឹក​ជំនាញ ត្រូវ​ពង្រឹង​ការ​ដឹកនាំ​ផែនការ​ខាងលើ ដោយ​ប្រើ​យន្តការ​ត្រួត​ពិនិត្យ តាម​ដាន វាយ​តម្លៃ​ជា​ប្រចាំ និង​រាយការណ៍​ជូន CAMSOC រៀង​រាល់ ​១​ខែ​ម្តង ​ជា​ទៀងទាត់។ ហេតុ​នេះ​សូម​ចូលរួម​អនុវត្ត​ឱ្យ​មានប្រសិទ្ធភាពខ្ពស់ ដើម្បីជោគជ័យ​ នៅ​ស៊ីហ្គេម ឆ្នាំ​២០២៣ ទាំង​អស់​គ្នា»។

  • Loading...
  • Recent Posts