• ជើងខ្លាំងចំនួន៣២នាក់ នឹងត្រូវប្រកួតប្រជែងគ្នា នៅលើសង្វៀនប្រដាល់ថ្មីរបស់ហង្សមាស
    ប្រដាល់ក្នុងស្រុក 3 weeks ago 104 Views

    អ្នក​ប្រដាល់​មាន​សមត្ថភាព​ប្រកួត​គ្នា ក្នុងទម្ងន់​៦០​គីឡូក្រាម ចំនួន​៣២នាក់ ត្រូវបាន​គេ​សម្រិតសម្រាំង និង​ផ្គូ​ផ្គង​រួច​រាល់​អស់​ហើយ ដើម្បី​ឲ្យ​ពួកគេ​ធ្វើ​ការ​ប្រកួតប្រជែង​ រហូត​រក​ជើង​ខ្លាំង​តែ​ម្នាក់​គត់ នៅ​ក្នុង​ព្រឹត្តិការណ៍ «​​ស្វែង​រក​កំពូល​អ្នក​ប្រដាល់​គុន​ខ្មែរ» ដែល​ស្ថានីយ​ទូរទស្សន៍​ហង្សមាស រួមជាមួយ​ដៃគូឧបត្ថម្ភ និងសហព័ន្ធ​កីឡា​ប្រដាល់គុនខ្មែរ ទើប​បាន​សហការគ្នា រៀបចំ​ឲ្យមាន​ឡើង ជា​លើកដំបូង ហើយ​​ការ​ប្រកួត​បើក​ឆាក​របស់​សង្វៀន​ថ្មីនេះ នឹង​ត្រូវ​ធ្វើ​នៅយប់​ថ្ងៃសៅរ៍ ចុងសប្តាហ៍នេះ។

    ​កីឡាករ បឺត ចិត្ត្រា, ទូច ដេវីត, សឿម សារ៉ាន់, ប្រាក់ ឌីណា, ព្រឿង សុជាតិ, លី តឿន, រឿម វណ្ណៈ, លីវិបុល គឹមហឿត, ចិត សុភី, បាង កាយ៉ាក, សុខ សាវិន, លាភ សំណាង, ថន ភឿត, លីន វិរៈ, ឆាយ មាស, ថា សារុន, សន រ៉ាគីម, អេ អាំម៉ារីនភូថង, អេលីត សាន់, នឹម នន, គង់ ហូវ, ភួង ពិសិដ្ឋ, លាភ រដ្ឋា, សុខ សុវណ្ណ, ឡុង លីផេង, ឌុន សុភុត, យុគ យក្សផ្លែ, មាឃ វណ្ណារ៉ា, ឡូញ វ៉ាន់ឌី, ខាំ សូរិយា, ម៉ន សាម៉េត និង ស៊ឹម ប៊ុនឆៃ គឺជា​បេក្ខភាព ដែល​នឹង​ត្រូវ​​ប្រកួតប្រជែង​គ្នា នៅ​លើ​សង្វៀន​ថ្មី​នេះ។

    ​ចំណែក​រូបមន្ត​ប្រកួត​វិញ ត្រូវបានគណៈកម្មការ​រៀបចំ ប្រាប់​ថា កីឡាករ​​ទាំង​​៣២​នាក់ ត្រូវ​ប្រកួត​​ជម្រុះ​ចាញ់​ធ្លាក់ៗ ​យក​​១៦​នាក់ ហើយ​​អ្នក​ឈ្នះ​១៦នាក់នេះ ត្រូវចាប់ឆ្នោតបែង​ចែកជា​៤ពូល ដោយពូលនីមួយៗ​ ត្រូវ​ប្រកួត​ជម្រុះវិល​ជុំ យក​អ្នក​លេខ​១ និងលេខ​២ តាមពូលទាំង៤ ឡើងទៅ​ប្រកួត​វគ្គ​៨​នាក់​។

    នៅ​ក្នុង​វគ្គ​៨នាក់​នេះ ត្រូវ​ចែកការ​ប្រកួត​​ជា​២ពូល​ទៀត ហើយ​ត្រូវប្រកួតជម្រុះ​យក​អ្នក​លេខ​១ និងលេខ​២ តាមពូល​ទាំង​២ ឡើង​ទៅ​ប្រកួត​វគ្គ​ពាក់កណ្តាល​ផ្តាច់ព្រ័ត្រ រួច​បន្ត​យក​អ្នក​ឈ្នះ​២​នាក់ នៅ​វគ្គ​នេះ ឡើង​ទៅ​ប្រកួត​ផ្តាច់​ព្រ័ត្រ​រក​ម្ចាស់​ជើង​ឯក ដោយការ​ប្រកួតទាំង​៥ជុំ​នេះ ​​ត្រូវ​ចំណាយ​ពេល​វេលា​​ប្រកួត​សរុប​​អស់​ចំនួន​១៩​សប្តាហ៍​ ហើយ​ការ​ប្រកួតនេះ សម្រួច​យក​តែ​ជើង​ឯក​ ចំណាត់​ថ្នាក់​លេខ​១​ម្នាក់​គត់ ​គឺ​​គ្មាន​ចំណាត់​ថ្នាក់​លេខ​២​ លេខ៣ ​និង​លេខ​៤​នោះ​ឡើយ​។​

    យ៉ាង​ណា​មិញ សម្រាប់​ការ​ប្រកួតជម្រុះ​បើក​ឆាក វគ្គ​៣២នាក់​ដំបូង នៅ​សង្វៀន​ហង្សមាស ស្ថិត​នៅ Eaon 2​ ចាប់​ពី​ម៉ោង​១៨ ​ដល់​ម៉ោង​២០​យប់ ​នា​ថ្ងៃអាទិត្យ​នេះ កីឡាករ ប្រាក់ ឌីណា ត្រូវ​ជួប គង់ ហូវ រីឯ សឿម សារ៉ាន់ ត្រូវ​ប្រឈម​ជាមួយ ទូច ដេវីត ខណៈ​ ព្រឿង សុជាតិ ប៉ះ លី តឿន ហើយ រឿម វណ្ណៈ ត្រូវ​ប្រកួតជាមួយ លីវិបុល គឹមហឿង ដោយ​អ្នក​ឈ្នះ នឹង​បាន​ឡើង​ទៅ​វគ្គ​១៦នាក់​ចុង​ក្រោយ តែ​អ្នក​ចាញ់ ត្រូវ​ធ្លាក់ និងដើរ​ចេញ​ពី​ប្រកួត ត្រឹម​វគ្គនេះ​​តែ​ម្តង៕

  • Loading...
  • Recent Posts