• Sergio Aguero កាន់ទុក្ខអតីតឪពុកក្មេក Diego Maradona
    បាល់ទាត់អន្តរជាតិ 2 months ago 191 Views

    បរទេស៖ ខ្សែប្រយុទ្ធ Sergio Aguero របស់ក្រុម Manchester City បានសម្តែងការគោរពកាន់ទុក្ខចំពោះវិ​ញ្ញាណ​ក្ខន្ធ​អតីតឪពុកក្មេករបស់ខ្លួនគឺវីរបុរសបាល់ទាត់ក្រុមជម្រើសជាតិអាហ្សង់ទីនលោក Diego Maradonaដែលបានលាចាកលោកកាលពីថ្ងៃពុធ។ម៉ារ៉ាដូណាគឺជាជីតាបង្កើតរបស់កុមារBenjaminកូនប្រុសរបស់ខ្សែប្រយុទ្ធដែលមានកំនត់ត្រារកគ្រាប់បាល់អោយក្រុមច្រើន បំផុតក្រុមMan.City រូបនេះ ដែលបាន​លែង​លះ​ជាមួយនាង Gianinna តាំងតែពីឆ្នាំ២០១២ ពោលបន្ទាប់ពីរួមរស់ជា​មួយគ្នា​បាន​៤ឆ្នាំ។

    អធិរាជបាល់ទាត់ដែលមានរហស្សនាមថាខ្លាកន្តឿដែលធ្លាប់លេងអោយក្រុមBarcelona,Napoli, និង Boca Junior រូបនេះបានទទួលមរណភាពនៅក្នុងអាយុ ៦០ ឆ្នាំនាទីក្រុងប៊ុយណូអ៊ែរែសនា​មាតុភូមិ​អាហ្សង់ទីនដោយសារជំងឺគាំងបេះដូង ។

    គួររំលឹកថាបុរសដែលបានជួយក្រុមពពកសអាហ្សង់ទីនលើកពាន World Cupនៅឆ្នាំ១៩៨៦ រូបនេះ  ត្រូវបានបញ្ជូនទៅកាន់មន្ទីរពេទ្យកាលពីដើមខែនេះនិងបានទទួល ការវះកាត់បន្ទាប់ពីមាន​ឈាមកក​នៅ​ក្នុង​ខួរក្បាលមុនពេលទទួលមរណៈភាពនេះ៕

     

    ប្រភពព័ត៍មាន៖ Metro

  • Loading...
  • Recent Posts