ប្រទេសអុីតាលី៖ ក្រុមជើងឯករង Juventus បានរងបរាជ័យក្នុងផ្ទះលើកដំបូងនៅក្របខណ្ឌ SerieA  និងជាលើក​ដំបូង​ក្នុង ៤០ ប្រកួតចុងក្រោយក្រោមថ្ចីជើងក្រុមភ្ញៀវ​ Roma ខណៈដែលពួកគេបញ្ចប់រដូវកាលត្រឹមគម្លាត ១ពិន្ទុលើក្រុម Inter Milan ដែលផ្តួលAtlantaដូចគ្នា ផងដែរនោះ។ Juventus បានឈ្នះ​ជើងឯក​លីក​កំពូលអ៊ីតាលី៩ ឆ្នាំជាប់ៗគ្នា ក៏ប៉ុន្តែ ទទួលបានជ័យជំនះតែ២ ប្រកួតប៉ុណ្ណោះក្នុង ៨ ប្រកួតចុងក្រោយ​របស់​ពួកគេ។

Gonzalo Higuain បានជួយឱ្យក្រុមលោក Maurizio Sarri នាំមុខមុននៅនាទីទី៥ប៉ុន្តែ Nikola Kalinicជាអ្នកតែតវាយបកតាមស្មើ នៅ១៨នាទីក្រោយមកមុនពេល Diego Perotti ស៊ុតបាល់​បញ្ចូល​ទីពីរគ្រាប់(១គ្រាប់ជាបាល់ពិន័យ១១ម៉ែត្រនៅនាទីទី៤៤មុនបញ្ចប់ការប្រកួតតង់ទី១) ​និងបន្ថែម​១គ្រាប់​ទៀ​ត​នៅនាទីទី៥២ក្នុងការប្រកួតដើមតង់ទី២ ដើម្បីផ្តល់ឱ្យពួកគេនូវជ័យជម្នះក្រៅ​ទឹកដីលើក្រុម​ជើង​ឯក​​នាសប្តាហ៏ទី៣៨នេះ។

ការប្រកួតគូសំខាន់មួយទៀត ខ្សែប្រយុទ្ធអន្តរជាតិស៊ុយអ៊ែត Zlatan Ibrahimovic ដែលមានវ័យ ៣៨ ឆ្នាំបានក្លាយជាកីឡាករចំណាស់ជាងគេដែលរកបានគ្រាប់បាល់ស៊ុតបញ្ចូលទី ១០ គ្រាប់ក្នុងមួយ​រដូវ​កាល​​នៃក្របខ័ណ្ឌ Serie A ខណៈ AC Milan បានបំបាក់ Cagliari ៣ទល់និង០ផងដែរ ៕

ប្រភពព័ត៍មាន៖ BBC