• Zola ប្រាប់ឈ្មោះកីឡាករ Chelsea ២រូប ដែលធុញទ្រាន់ហ្វឹកហាត់ ជាមួយអតីតគ្រូបង្វឹក Sarri
    ជីវិត&សង្គម | បាល់ទាត់ក្នុងស្រុក 6 months ago 113 Views

    វីរបុរសតោខៀវ Chelsea លោក Gianfranco Zola បានប្រាប់ឈ្មោះកីឡាករក្នុងក្រុមសំខាន់ពីររូបគឺអតីតខ្សែបម្រើកណ្តាល Eden Hazard និងកីឡាករខ្សែបម្រើស្លាប Willian ធ្លាប់ប្រឈមផលលំបាកក្រោមការគ្រប់គ្រងនិង ហ្វឹកហាត់របស់អតីតអ្នកចាត់ការទូទៅ លោក Maurizio Sarri កាលពីរដូវកាលចាស់កន្លងទៅ។

    Zola អតីតគ្រូបង្វឹក West Ham និង Watford បានបញ្ជាក់បន្ថែមថា៖ «ពួកគេ (Wilian និងHazard) ជាកីឡាករដែលមានទេពកោសល្យ និង ដឹងពីរបៀបលេងបាល់ដោយខ្លួនឯង ប៉ុន្តែពួកគេទទួលរងការហ្វឹកហាត់និងលំហាត់នៃការហ្វឹកហាត់ដែលខ្ញុំនិងគ្រូបង្វឹកបានផ្តល់អោយ ទោះបីជាវាពិបាកធ្វើប៉ុន្តែវាចាំបាច់សម្រាប់កីឡាករដទៃទៀត»

    អតីតខ្សែបម្រើសញ្ជាតិអ៊ីតាលី Zola ដែលធ្លាប់បំពេញតួនាទីជាជំនួយការរបស់គ្រូបង្វឹក លោកSarri ពេញមួយរដូវកាល២០១៨-២០១៩ និងបានជួយក្លឹបឈ្នះពាន Europa League និង បញ្ចប់រដូវកាលជាមួយចំណាត់ថ្នាក់ក្រុមកំពូលទាំងបួននៅក្នុងក្របខ័ណ្ឌ Premier League ខណៈដែលអតីតគ្រូបង្វឹកNapoli រូបនេះបានចាកចេញទៅដឹកនាំក្លឹប Juventus វិញនៅរដូវកាល២០១៩-២០២០ក្រោយចំណាយពេលនៅអង់គ្លេសត្រឹម១រដូវកាល៕

    អត្ថបទ៖ Polin
    ប្រភព៖ metro

  • Loading...
  • Recent Posts