អតីតខ្សែប្រយុទ្ធក្លិប Real Madrid កីឡាករ Edwin Congo ត្រូវបានប៉ូលីសចាប់ខ្លួននិងធ្វើការសាកសួរនាំលើករណីទាក់ទងការរត់ពន្ធគ្រឿងញៀនកូកាអ៊ីន។ អតីតខ្សែប្រយុទ្ធសញ្ជាតិកូឡុំប៊ីរូបនេះស្ថិតក្នុងចំណោមមនុស្ស ១៨ នាក់ផ្សេងទៀតដែលត្រូវបានចាប់ខ្លួន បន្ទាប់ពីប៉ូលីសជាតិអេស្ប៉ាញបានរឹបអូសយកកូកាអ៊ីនមួយតោន ដែលត្រូវបានដាក់ក្នុងក្រដាសកាតុងវេចខ្ចប់ផ្លែឈើ ដោយយោងការចុះផ្សារពីអាខោន Tweeter របស់កម្លាំងសន្តិសុខជាតិប្រចាំប្រទេសអេស្បាញ។

Congo បច្ចុប្បន្នមានវ័យ៤៣ឆ្នាំរូបនេះ ត្រូវបានប៉ូលីសនៅទីក្រុងម៉ាឌ្រីតរដ្ឋធានីអេស្បាញនាំខ្លួនយកមកធ្វើការសាកសួរ តែត្រូវបានសាមីខ្លួនបដិសេធរាល់ការចោតប្រកាន់ខាងលើនេះ។

គួររំលឹកថានៅឆ្នាំ១៩៩៩ Congo បានផ្ទេរពីក្លឹបនៅប្រទេសកូឡុំប៊ីក្នុងតម្លៃខ្លួន៥លានយូរ៉ូ និងក្លាយជាកីឡាករដែលមានតម្លៃខ្លួនថ្លៃបំផុតក្នុងប្រវត្តិសាស្រ្តបាល់ទាត់កូឡុំប៊ីនៅពេលនោះ។ បន្ទាប់មករូបគេបានបង្ហាញខ្លួន១៧ប្រកួត អោយក្រុមជម្រើសជាតិកូឡុំប៊ី និងបានបង្ហាញខ្លួនក្នុងព្រឹត្តការណ៏ Copa America ក្នុងឆ្នាំ ១៩៩៩ និង ២០០៤ ផងដែរ៕

អត្ថបទដោយ៖ Polin
ប្រភព៖ goal