• កីឡាករកីឡាការិនីជួរមុខដាស់តឿនអំពីអនាម័យដើម្បីទប់ស្កាត់ COVID-19
    one champions 2 months ago V-Dr

    មេរោគរាតត្បាត COVID-19 កំពុងរំខានដល់ការរស់នៅរបស់ប្រជាជនទូទាំងពិភពលោក។ បច្ចុប្បន្ននេះមានករណីឆ្លងរហូតដល់ជិតមួយលាននាក់ហើយទូទាំងពិភពលោកត្រឹមថ្ងៃទី ២ ខែ មេសា។ មេរោគនេះអាចធ្វើមនុស្សខាតការងារ បាត់បង់សេដ្ឋកិច្ច និងអាចឈានដល់សេចក្ដីស្លាប់ទៀតក៏មានបើមិនធ្វើអនាម័យឲ្យបានគ្រប់គ្រាន់។ មិនខុសពីមនុស្សធម្មតា កីឡាករកីឡាការិនីជួរមុខប្រចាំសង្វៀន ONE Championship បានផ្ញើសារអំពីវិធីបង្ការមួយចំនួនដើម្បីរស់នៅឲ្យមានសុវត្ថិភាព និងទប់ស្កាត់មិនឲ្យឆ្លងបន្ត។ សូមតាមដានចំពោះមតិ ឬ ការក្រើនរំលឹកដល់អ្នកគាំទ្ររបស់ជើងខ្លាំងនៅសង្វៀន ONE ដូចខាងក្រោម៖

    Aung La N Sang

    «សូមសម្អាតអនាម័យគ្រប់ពេល។ លាងដៃឲ្យស្អាត និង ថែរក្សាអនាម័យគ្រប់អវយវៈ របស់អ្នក និងញុំាអាហារដែលមានសុខភាពនៅពេលអ្នកនៅដាច់ដោយឡែក ឬ នៅផ្ទះដើម្បីឲ្យរាងកាយមាំមួន និងសុខភាពល្អ។ ក្នុងនោះត្រូវគេងឲ្យបានគ្រប់គ្រាន់ផងដែរ និង មានអនាម័យជាប្រចាំ»។

    Christian Lee

    «ខ្ញុំសូមឲ្យមនុស្សរាល់គ្នាឈ្វេងយល់អំពីជំងឺនេះទោះជាយុវជនក្មេងៗមិនឈានដល់ការបាត់បង់ជីវិតច្រើនក៏ដោយ។ ប៉ុន្តែវាជាឧបសគ្គពេលផ្ទុកមេរោគ។ ពេលអ្នកឆ្លង អ្នកអាចឆ្លងទៅឳពុកម្ដាយចាស់ៗ ទៅជីដូន ជីតា ឬ អ្នកជិតខាងចាស់ទៀតផង។ សូមថែរក្សាខ្លួន និងស្នាក់នៅក្នុងផ្ទះតាមតែអាចធ្វើទៅបាន។ បើមិនចាំបាច់ សូមកុំទៅឆ្ងាយអី។ សូមស្នាក់នៅផ្ទះឲ្យច្រើនរហូតដល់ជំងឺនេះរលត់ទៅ»។

    Petchmorakot Petchyindee Academy

    «ខ្ញុំបារម្ភអំពីអ្នកទាំងអស់គ្នា។ សូមថែរក្សាអនាម័យឲ្យបានល្អ សូមពាក់ម៉ាស់ពេលចេញក្រៅ និងប្រើជែលសម្អាតដៃរៀងរាល់ពេល។ សម្រាប់អ្នកឆ្លង COVID-19 សូមឲ្យឆាប់ជា។ នៅក្លិប Petchyindee របស់យើង។ យើងមានវាស់កម្ដៅរៀងរាល់ពេលមុនហ្វឹកហាត់»។

    Sangmanee Sathian MuayThai

    «រាល់ឆ្នាំនៅថ្ងៃទី ២០ មីនា ចំថ្ងៃខួបកំណើតរបស់ខ្ញុំ។ ខ្ញុំអញ្ជើញពួកម៉ាក និងសាច់ញាតិមកជប់លៀង។ តែឆ្នាំនេះ គឺនៅផ្ទះជាមួយគ្រួសារ និងអបអរតិចតួច។ កន្លែងហាត់របស់ខ្ញុំត្រូវបិទទ្វារ សូមអ្នកទាំងអស់គ្នាស្នាក់នៅឲ្យមានសុវត្ថិភាព។ ខ្ញុំមិនចេញក្រៅដូចធម្មតាទេ។ វាលំបាកបន្តិច។ ខ្ញុំសង្ឃឹមថាស្ថានភាពអាក្រក់នេះនឹងឆាប់ចប់នាពេលឆាប់»។

    Stamp Fairtex

    «នៅក្លិប Fairtex យើងមានវាស់កម្ដៅមុនហាត់ ហើយគ្រប់គ្នាពាក់ម៉ាស់។ យើងរត់ និងហាត់នៅក្នុងក្លិបមិនចេញក្រៅដូចមុនទេ។ អ្នកផ្សេងដែលធ្លាប់ទៅកន្លែងអាចកើតជំងឺនេះ ឬ មានរោគសញ្ញា មិនត្រូវអនុញ្ញាតឲ្យហាត់ទេ។ ក្លិបយើងក៏បិទដែរ។ ចំពោះខ្ញុំ ខ្ញុំតែងតែលាងដៃនឹងជែលសម្លាប់មេរោគ និងពាក់ម៉ាស។ ខ្ញុំក៏ហាត់នៅផ្ទះដែរ។ ខ្ញុំបានប្រាប់ម៉ាក់ប៉ា និងគ្រួសារឲ្យស្នាក់នៅមានសុវត្ថិភាព និងថែខ្លួន។ សង្ឃឹមថាយើងជួបគ្នាឆាប់ៗ។ សូមអ្នកទាំងគ្នាសំណាងល្អ»។

    Roshnee Khaira

    «យើងត្រូវរកវិធីដើម្បីកុំឲ្យឆ្លងមេរោគនេះ។ មេរោគនេះអាចនៅក្នុងលំហរច្រើនម៉ោង។ សូមការពារខ្លួនរបស់អ្នក និងនៅឲ្យឆ្ងាយពីគ្នា ពាក់ម៉ាស់ និង លាងដៃដោយសាប៊ូញឹកញាប់យ៉ាងហោច ២០ វិនាទី ឬ ប្រើជែលលាងដៃសម្លាប់មេរោគ។ មួយទៀតត្រូវអនាម័យសម្អាតជារឿយៗ ទូរសព្ទ និង ក្តារចុច( keyboards) ជាដើមត្រូវសម្អាតដែរ។ មេរោគនេះអាចនៅក្នុងលំហពីពីរទៅ ៣ម៉ោង។ សូមរំលឹកដល់សមាជិកក្នុងផ្ទះជាពិសេសអ្នកមានជំងឺ និងប្រព័ន្ធសុំារបស់រាងកាយខ្សោយ»។

    Shannon Wiratchai

    «បច្ចុប្បន្ននេះលំបាកបន្តិច។ ប៉ុន្តែអ្នកត្រូវមានការទទួលខុសត្រូវសម្រាប់សង្គម។ បើសិនជាអ្នកនៅផ្ទះ គឺអ្នកមានឱកាសតិចបំផុតដែលឆ្លងមេរោគ។ បើទៅក្រៅ ត្រូវតែមានសុវត្ថិភាពនិងឆាប់មកផ្ទះវិញ។ នោះគឺជារឿងសំខាន់ដើម្បីទប់ស្កាត់ការឆ្លង។ ខ្ញុំជាកីឡាករ ខ្ញុំមានកម្លាំងខ្លាំង បើឆ្លងក៏មិនធ្ងន់ ប៉ុន្តែខ្លាចឆ្លងដល់ម៉ាក់ប៉ារបស់ខ្ញុំ។ រឿងល្អត្រូវនៅកន្លែងមានសុវត្ថិភាពដើម្បីកាត់បន្ថយការឆ្លងព្រោះក្លិបហាត់ត្រូវបានបិទហើយ។ មេរោគនេះអាចនៅវាលលំហ ឬ កន្លែងផ្សេងៗនៅពេលហ្វឹកហាត់»។

    Puja Tomar

    «អ្នករាល់គ្នាដឹងហើយថា COVID-19 រាលដាលជុំវិញពិភពលោកក្នុងនោះប្រទេសឥណ្ឌាក៏មានដែរ។ រឿងសំខាន់ត្រូវគោរពតាមការណែនាំពីអ្នកជំនាញផ្នែក និង លាងដៃជាប្រចាំ។ សូមគោរពតាមការណែនាំរបស់ពេទ្យ ហើយលាងដៃឲ្យបានត្រឹមត្រូវ។ ត្រូវលាងដៃដោយទឹកស្អាត លាងនឹងសាប៊ូ និងសម្អាតគ្រប់កន្លែងពេលលាងហ្នឹង។ លាងក្រចក ម្រាមដៃឲ្យបានត្រឹមត្រូវយ៉ាងហោច ២០ វិនាទីដែរ។ បន្ទាប់មកត្រូវលាងទឹកស្អាតម្ដងទៀត មុនពេលជូតដៃនឹងក្រដាសស្អាត និង កន្សែងពោះគោ»។

    កុំភ្លេចទស្សនា កម្មវិធីប្រកួតបន្តបន្ទាប់របស់ស្ថាប័ន ONE Championship មានការផ្សាយផ្ទាល់តាមរយៈ Facebook, Twitter, YouTube,និង ONE Super App៕

    កែសម្រួលដោយ៖ Cambosport
    អត្ថបទ៖ ស៊ីធី

  • Loading...
  • Recent Posts