• ក្រុមប៉េតង់នារីកម្ពុជា ផ្តួលក្រុមម៉ាឡេស៊ី ដើម្បីឈ្នះមេដាយមាស នៅស៊ីហ្គេម
    Uncategorized 2 years ago 146 Views

    ក្រុមកីឡាការិនីប៉េតង់កម្ពុជា បានរកឃើញជោគជ័យដ៏ធំមួយទៀតឲ្យកម្ពុជា គឺការឈ្នះបានមេដាយមាស លើវិញ្ញាសាប្រកួត៣នាក់ទល់៣នាក់ នៅក្នុងការប្រកួតស៊ីហ្គេម លើកទី៣០ ឆ្នាំ២០១៩ ដែលកំពុងធ្វើនៅប្រទេសហ្វីលីពីន។

    តាមរយៈការប្រកួត ដែលទើបបានបញ្ចប់មុននេះបន្តិច កីឡាការិនីឆ្នើម ស្រ៊ាង សុរ៉ាឃីម, ឃួន យ៉ារី, អ៊ិន ស្រីយ៉ា និង ឌួង ឌីណា (បម្រុងម្នាក់) បានរួមគ្នាធ្វើបានយ៉ាងល្អបំផុត ដើម្បីរកបានពិន្ទុនាំមុខក្រុមនារីម៉ាឡេស៊ី រហូតដល់ ១០-០។

    យ៉ាងណាក៏ដោយ ក្រុមនារីម៉ាឡេស៊ី រកបាន៤ពិន្ទុវិញ ប៉ុន្តែសម្រាប់ការប្រកួត២សិតចុងក្រោយ ក្រុមនារីកម្ពុជា រកបាន៣ពិន្ទុ ជាមួយការនៅសល់គ្រាប់ប៊ូលក្នុងដៃទៀត ដើម្បីយកឈ្នះក្រុមនារីម៉ាឡេស៊ី ១៣-៤ និងឈ្នះបានមេដាយមាស ជូនកម្ពុជា ដ៏គួរឲ្យរំភើបបំផុត។

    តាមរយៈការដណ្តើមបានមេដាយមាស លើវិញ្ញាសាជាក្រុម៣នាក់ទល់៣នាក់នេះរបស់ក្រុមប៉េតង់នារីកម្ពុជា នៅពេលនេះ បានជួយឲ្យកម្ពុជា ឡើងទៅឈរនៅលេខរៀងទី៧ ក្នុងចំណោមប្រទេសទាំង១១ ដែលបានចូលរួមការប្រកួតស៊ីហ្គេមនេះ ជាមួយការឈ្នះបានមេដាយមាស២ ប្រាក់៣ និងសំរឹទ្ធចំនួន១៧៕

    កែសម្រួលដោយ៖ Cambosport

  • Loading...
  • Recent Posts