(បរទេស)៖ យោងតាមកាសែត The Athletic បានអះអាងថា ប្រធានក្រុមហង្សក្រហម Liverpool កីឡាករ Jordan Henderson ត្រូវជាខ្សែបម្រើឆ្នើមដ៏លេចធ្លោមួយរូបនៅក្នុងក្លឹប បានខិតកាន់តែកៀកក្នុងការទទួលយកសំណើរពីក្លឹបនៅប្រទេសអារ៉ាប៊ីសាអូឌីត Al Ettifaq។ ខ្សែបម្រើដែលមានបទពិសោធន៍ម្នាក់នេះ នឹងទទួលប្រាក់ឈ្នួលច្រើនជាង ៧០០,០០០ ផោនក្នុងមួយសប្តាហ៍ ប្រសិនបើគាត់សម្រេចចិត្តផ្ទេរទៅកាន់ក្លឹបអារ៉ាប់មួយនេះ។ ចាប់តាំងពីចូលរួមជាមួយក្លឹបហង្សក្រហមក្នុងឆ្នាំ ២០១១ មកកីឡាករ Henderson បានបង្ហាញខ្លួនចំនួន ៤៩២ប្រកួតជាមួយក្លឹប ដោយអាចរកគ្រាប់បាល់បាន ៣៣គ្រាប់ និង Assist ឲ្យមិត្តរួមក្រុមចំនួន ៦១លើក។ មិនតែបុណ្ណោះ កីឡាករវ័យ ៣៣ឆ្នាំរូបនេះ បានឈ្នះពានរង្វាន់សរុបចំនួន ៨ ក្នុងនាមជាកីឡាកររបស់ Liverpool ដែលមានដូចជា UEFA Champions League, Premier League, FA Cup, EFL Cup និង FIFA Club World Cup។ Henderson អាចនឹងក្លាយជាខ្សែបម្រើចុងក្រោយដែលចាកចេញពីកីឡដ្ឋាន Anfield នៅរដូវក្តៅនេះ បន្ទាប់ពីការចាកចេញរបស់ Alex Oxlade-Chamberlain, James Milner និង Naby Keita៕
(អេស៉្បាញ)៖ ម្ចាស់ជើងឯក UCL ១៤សម័យ Real Madrid បានត្រៀមខ្លួនរួចជាស្រេចក្នុងការដេញថ្លៃនាំយកខ្សែការពារស្លាប Trent Alexander-Arnold របស់ក្លឹបហង្សក្រហម Liverpool ។ ស្របពេលជាមួយគ្នានេះ Real Madrid បានតាមប្រមាញ់ខ្សែការពារស្លាបឆ្វេង Alphonso Davies របស់ក្លឹបយក្សអាល្លឺម៉ង់ Bayern Munich អស់រយៈពេលជាយូរមកហើយ ប៉ុន្តែមិនទាន់បានផ្លែផ្កានៅឡើយ។អត្ថបទកំពុងចាប់អារម្មណ៍៖ អ្នកចាំទី Chelsea ជួបបញ្ហារបួសមុនពេលទទួល Burnley នៅរាត្រីថ្ងៃសៅរ៏ស្អែកនេះ (មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរកត់សម្គាល់ថា កីឡាករជម្រើសជាតិអង់គ្លេស [Arnold] មានវ័យ ២៥ឆ្នាំ រូបនេះត្រូវបានអ្នកគាំទ្រចាត់ទុកជាខ្សែការពារស្លាបដ៏មានសក្តានុពលមួយ និងល្អបំផុតមួយរូបនៅក្នុងពិភពបាល់ទាត់នាពេលបច្ចុប្បន្នយើងនេះ។ ជាក់ស្តែងចាប់តាំងពីបង្ហាញខ្លួនជាលើកដំបូងសម្រាប់ក្រុមហង្សក្រហមក្នុងឆ្នាំ ២០១៦ ខ្សែការពាររូបនេះបានបង្ហាញខ្លួន ៣០២ដង ដោយស៊ុតបញ្ចូលទីបាន ១៨គ្រាប់។ គួរបញ្ជាក់ផងដែរថា Alexander-Arnold រកបានប្រាក់ចំនូល ១៨០,០០០ផោន ក្នុង១សប្តាហ៍ ដែលជាតួលេខតិចជាងប្រធានក្រុម Virgil […]