v9
V9BET

Liverpool វាយបកផ្តួល Spurs ខណៈ Arsenal រងការខកចិត្ត

3 weeks ago​ | ដោយ V-Dr

ក្រុម Liverpool បានវាយបកដេញតាមពីក្រោយដើម្បីផ្តួលក្រុម Tottenham ក្នុងលទ្ធផល ២-១ កាលពីថ្ងៃអាទិត្យ និងដើម្បីរក្សាការនាំមុខ ៦ពិន្ទុដាច់ នៅលើកំពូលតារាងនៃក្របខ័ណ្ឌ Premier League ស្របពេលដែលក្រុម Manchester United បានបញ្ចប់ការខកចិត្ត ក្រោយពីបានកត់ត្រាជ័យជម្នះក្នុងការប្រកួតក្រៅដី។

ស្របពេលជាមួយគ្នានេះ នាថ្ងៃដដែលនោះ ក្រុម Arsenal បានខ្ជះខ្ជាយគ្រាប់បាល់នាំមុខ ២-០ នៅលើទឹកដីខ្លួនឯ ដើម្បីបញ្ចប់ត្រឹមលទ្ធផលស្មើ ២-២ ជាមួយនឹងក្រុម Crystal Palace ស្របពេលក្រុមនៅសល់សមាជិកត្រឹមតែ១០នាក់ Newcastle បានទទួលលទ្ធផលស្មើ ១-១ ជាមួយនឹងក្រុម Wolves។

ពិន្ទុនាំមុខរបស់ក្រុម Liverpool ត្រូវបានកាត់បន្ថយពី ៨ពិន្ទុ មកនៅត្រឹម៦ពិន្ទុ ក្រោយពីបានទទួលបានលទ្ធផលស្មើនៅលើទឹកដី Old Trafford កាលពីសប្តាហ៍មុន ហើយក្រុម Manchester City បានដាក់សម្ពាធបន្ថែមលើពួកគេ កាលពីថ្ងៃសៅរ៍ តាមរយៈការផ្តួលក្រុម Aston Villa ក្នុងលទ្ធផល ៣-០។ ក្រុមរបស់លោក Jurgen Klopp បានរងនូវសម្ពាធបន្ថែមទៀត ក្រោយក្រុម Spurs បានបង្កើតឲ្យមានការចាប់ផ្តើមយ៉ាងល្អ នាកីឡដ្ឋាន Anfield តាមរយៈការរកបានគ្រាប់បាល់បើកឆាកនៅត្រឹម១នាទីដំបូង។ ខ្សែប្រយុទ្ធ Son Heung-min បានអូសបាល់ទៅកាន់តំបន់ប្រយុទ្ធ ប៉ុន្តែការស៊ុតបាល់សំដៅទីរបស់គេបានប៉ះរបារ និងផ្លាត់ចំពីមុខ Harry Kane ដែលបានតែតបាល់បញ្ចូលទីយ៉ាងល្អ។ Liverpool បានដាក់សម្ពាធយ៉ាងខ្លាំង ដើម្បីរកគ្រាប់បាល់តាមស្មើវិញ ហើយទីបំផុតពួកគេបានរកគ្រាប់បាល់តាមស្មើនៅដើមតង់ទី២ មុននឹងរកបានគ្រាប់បាល់ឈ្នះនៅជិតបញ្ចប់ការប្រកួត៕

កែសម្រួលដោយ៖ Cambosport
ប្រភពព័ត៌មាន៖ Channel News Asia

Loading...
ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.