v9
V9BET

Man City សង្ឃឹមថា Spurs នឹងពន្យឺតល្បឿនរបស់ Liverpool ចុងសប្តាហ៍នេះ

4 weeks ago​ | ដោយ V-Dr

ក្រុម Manchester City នឹងមានឱកាសដាក់សម្ពាធក្នុងរយៈពេលដ៏ខ្លីលើក្រុម Liverpool ដែលកំពុងនាំមុខលើតារាងក្របខ័ណ្ឌ Liverpool នៅចុងសប្តាហ៍នេះ ខណៈដែលក្រុម Manchester United សម្លឹងរកការលុបចោលការខកចិត្តរបស់ពួកគេក្នុងការប្រកួតក្រៅដី។

ការឈ្នះជាប់ៗគ្នារបស់ក្រុមលោក Jurgen Klopp បានឈានដល់ទីបញ្ចប់ក្រោមស្នាដៃក្រុម Man United ក្នុងពេលបញ្ចប់ក្នុងលទ្ធផលស្មើ ១-១ នាកីឡដ្ឋាន Old Trafford កាលពីសប្តាហ៍មុន ប៉ុន្តែ នៅតែនាំមុខ៦ពិន្ទុដាច់លើក្រុមឈរលេខ២ Man City។ ក្រុមម្ចាស់ការពារជើងឯករបស់លោក Guardiola អាចនឹងកាត់បន្ថយគម្លាតដេញតាមពីក្រោយមកនៅត្រឹម៣ពិន្ទុ ជាបណ្តោះអាសន្ន ប្រសិនបើពួកគេផ្តួលក្រុម Aston Villa លើទឹកដីខ្លួនឯងនៅថ្ងៃសៅរ៍ ស្របពេលដែលក្រុម Liverpool នឹងត្រូវជួបការប្រកួតដ៏ស្វិតស្វាញជាមួយនឹងក្រុម Spurs នៅថ្ងៃបន្ទាប់នោះ។

ក្រុម Liverpool នឹងឈានទៅកាន់ការប្រកួតនៅលើទឹកដីខ្លួនឯង ជាមួយនឹងក្រុម Tottenham បន្ទាប់ពីបានខកខានក្នុងការតាមស្មើកំណត់ត្រានៃការឈ្នះជាប់ៗគ្នាចំនួន១៨លើករបស់ក្រុម Manchester City ក្នុងក្របខ័ណ្ឌ Premier League។ ក្រុមម្ចាស់ជើងឯកទ្វីបអឺរ៉ុបមួយនេះ ដែលមិនស្គាល់ចាញ់សោះពីការប្រកួតលើទឹកដីខ្លួនឯងចំនួន៤៤ប្រកួត ក្នុងលីកនោះ បានបំភ្លេចពីការចាញ់នៅទឹកដី Anfield ទៅហើយ ប៉ុន្តែ នឹងត្រូវប៉ះក្រុមខ្លាំង Spurs ដែលទើបតែបានយកឈ្នះលើក្រុម Red Star Belgrade ៥-០ កាលពីពាក់កណ្តាលសប្តាហ៍នេះ។ ខ្សែបម្រើ Erik Lamela ដែលបានស៊ុតបាល់បញ្ចូលទីក្នុងពេលប្រកួតជាមួយនឹងក្រុម Red Star ក្នុងថ្ងៃនៃការបង្ហាញខ្លួនជាលើកទី១០០របស់គេសម្រាប់ Spurs នោះ បានបញ្ជាក់ថា ការដណ្តើមបានជ័យជម្នះដ៏ធំនេះ នឹងជួយឲ្យក្រុមខ្លាំងនូវការជឿជាក់មួយ៕

កែសម្រួលដោយ៖ Cambosport
ប្រភព៖ Channel News Asia

Loading...
ហាមដាច់ខាតការយកអត្ថបទ ពីវេបសាយ CAMBOSPORT.COM ដោយគ្មានការអនុញ្ញាត បើលោក លោកស្រី ត្រូវការអត្ថបទសូម INBOX នៅលើ Cambosport Facebook Page.